Deputeti LDK-së reagon pas sondazhit nga LVV

Deputeti i LDK-së, Driton Selmanaj, ka reaguar pas sondazhit që një ditë më parë e publikoi Lëvizja Vetëvendosje, rezultatet e së cilës e nxorën të parën LDK-në, ndërsa Kurtin si kandidatin më të pëlqyer për kryeministër.

Selmanaj ka thënë se LDK-ja do të udhëheqë me Qeverinë e Kosovë dhe për këtë, kjo parti nuk bën kompromis. “Qëndrimi i Kryesisë dhe i Këshillit të Përgjithshëm të LDK-së është i qartë, Qeveria e Kosovës do të udhëhiqet nga Kryeministri i LDK-së. Sondazhet për një vit rresht e nxjerrin LDK-në të parën me mbi 30%, me së paku 8 pikë të përqindjes përpara partisë së dytë. Me trendin e rritjes të vitit 2018, LDK-ja shpejt arrin në 35% të përkrahjes qytetare, përcjell albinfo.ch

LDK-ja është qartë alternativa më e besueshme për ruajtjen e shtetit dhe tërësisë territoriale të Republikës së Kosovës, për zhvillim ekonomik e social dhe për integrim në BE. LDK-ja nuk bën kompromis me përgjegjësinë që i japin qytetarët për të udhëhequr me shtetin”, ka shkruar ai.