Lajme
Dënohen 4 bankierë në Zvicër, pasi ndihmuan mikun e ngushtë të Putinit të fshihte paratë
Në Zvicër, bankat janë të detyruara të refuzojnë ose të ndërpresin marrëdhëniet afariste nëse ka dyshime për identitetin e palës kontraktuese
Katër bankierë që ndihmuan mikun e ngushtë të presidentit rus, Vladimir Putin, të depozitonte miliona franga përmes llogarive bankare në Zvicër janë dënuar për mungesë kujdesi në transaksionet financiare.
Akuza ndaj tyre lidhej me asistencën e dhënë violoncelistit Sergey Rolduginit, të cilin qeveria zvicerane e cilësoi si “njeriun-kuletë të Putinit”.
Bankierët, tre rusë dhe një zviceran, e ndihmuan Rolduginin, i cili është dhe kumbari i vajzës së madhe të Putinit, Marias, të depozitonte shuma marramendëse parash në llogaritë bankare zvicerane nga viti 2014 deri në 2016-tën, shkruan TCH, transmeton albinfo.ch.
Kjo gjë përmes dy llogarive bankare në Gazprombank në Cyrih, pa u kryer verifikime të mjaftueshme. Nga sa pohon Reuters, në aktakuzën e parë nënvizohet se si njerëz si Roldugini u përdorën për të fshehur pronarët e vërtetë të parave.
Në Zvicër, bankat janë të detyruara të refuzojnë ose të ndërpresin marrëdhëniet afariste nëse ka dyshime për identitetin e palës kontraktuese.
Katër burrat, të cilët nuk mund të identifikohen shkaku i kufizimeve zvicerane për raportime, u shpallën fajtorë në një seancë në Gjykatën e Cyrihut dhe u dënuan me kusht me nga shtatë muaj heqje lirie secili.
E-Diaspora
-
Robin Krasniqi fiton me pikë ndaj portugezit Jorge Silva Boksieri kosovar, Robin (Haxhi) Krasniqi, ka mposhtur portugezin Jorge Silva të shtunën, në meçin e zhvilluar...
-
Sot shfaqet në Cyrih filmi “The Land within”, i regjisorit Fisnik Maxville
-
“Kino Kosova”: Një realitet filmik i shikuar nga perspektiva femërore
-
Krasniqi sonte rikthehet në ring, përballet me boksierin portugez
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
Jeta në Austri
-
Çfarë më lejohet të bëj në ballkonin tim në Austri? Gjatë muajve të verës, mund të duket se çdo austriak jeton ekskluzivisht në ballkonet e tij...
-
Një përmbledhje e lajmeve më të fundit në Austri
-
A mund të paguani taksat tuaja austriake duke përdorur një llogari bankare të huaj?
-
Pse Austria renditet kaq keq në indeksin për lirinë e shtypit?
-
Nomadët digjitalë: Kush mund të punojë në distancë në Austri?