Dënim i përjetshëm për nënën që ka vrarë tre fëmijët

Pesë vite më parë pati mbytur binjakët e saj të vegjël dhe para kësaj edhe një foshnjë të porsalindur

Gjykata e Qarkut në Horgen të Cyrihut ka dënuar me burgim të përjetshëm një nënë e cila pesë vite më parë pati mbytur binjakët e saj të vegjël dhe para kësaj edhe një foshnjë të porsalindur. Gjyqtarët e shpallën fajtore zviceranen 39 vjeçare për vrasje të shumëfishtë me paramendim.

Në dhjetorin e vitit të kaluar gruaja kishte pranuar se në vitin 2007, para kërshëndellave, i kishte mbytur dy binjakët duke i ngufatur. Këtë veprim ajo e kishte mohuar gjatë pesë viteve të hetimeve dhe të qëndrimit në burg.

Veç kësaj, ajo ka pranuar se në verën e vitit 1999 e kishte mbytur foshnjën e saj 7 javëshe. Deri në atë moment ishte menduar se foshnja kishte vdekur nga vdekja e papritur e foshnjave, që njihet në mjekësi si shkaktar i shpeshtë i vdekjeve në atë moshë.