Dasmat si pasqyrim i trashëgimisë kulturore shqiptare

Këtë numër të revistës albinfo.ch, ne ia kemi kushtuar temës së dasmës, vështruar nga këndshikime të ndryshme. Nga pikëpamja sociologjike dhe etnologjike ne kemi hedhur dritë mbi kuptimin e një martese etj.

Secili  dashamirës i folklorit shqiptar, njeh me siguri shumë doke e zakone dasmash të përcjella me këngë, përmes të cilave është pasqyruar ceremonia e dasmave.

Por zakonet nuk janë të pandryshueshme. Kështu, tradita e martesave të aranzhuara, me kalimin e kohës, ia ka lëshuar gjithnjë më shumë vendin  idealit të zgjedhjes së lirë. Ka ndryshuar edhe forma e ceremonisë së dasmës. Merren gjithnjë më shumë rite nga kultura perëndimore, me ç`rast disa doke tradicionale ngelen në prapavijë ose zhduken fare.

Natyrisht, idealet nga Evropa dhe SHBA nuk reprodukohen në mënyrë të thjeshtë, por kombinohen me vlerat tradicionale, duke krijuar kështu një identitet plotësisht të ri kulturor. Një përzierje e modernes dhe tradicinales është ajo që i karakterizon dasmat shqiptare sot.

Këtë numër të revistës albinfo.ch, ne ia kemi kushtuar temës së dasmës, vështruar nga këndshikime të ndryshme. Nga pikëpamja sociologjike dhe etnologjike ne kemi hedhur dritë mbi kuptimin e një martese pastaj kemi prezantuar lokalet më të bukura të dasmave dhe tregojmë po ashtu rezultatin e krahasimit të kostos në mes të një dasme shqiptare dhe një dasme zvicerane.

Po kështu një material tjetër që ia vlen të lexohet në këtë numër është edhe analiza mbi ndryshimin e zakoneve dhe riteve të dasmave që nga koha e Kanunit të Lekë Dukagjinit deri sot.

Për fund, Ju dëshirojmë lexim të këndshëm të materieve që kanë të bëjnë me temën e sezonit.

 

---