Cyrihu po vallëzon, rreth 1 milion njerëz në “Street Parade”

Me moton: “Përcjelle zemrën tënde!”, ka filluar të shtunën festa me e madhe në Evropë,  e njëzetenjëta me radhë, e quajtur „Street Parade“.

Qindra e mijëra njerëz nga vende të ndryshme të botës, po marrin pjesë në parakalimin tradicional nëpër rrugët rreth liqenit të Cyrihut. Për herë të parë në mesin e tyre janë të pranishëm edhe vizitorë nga Kina.

Organizatorët thanë se kanë mbledhur rreth 900 mijë njerëz për shkak motit të nxehtë. Deri në këto momente nuk është shënuar asnjë inicident!

SBB kishte lëshuar trena shtesë për pritjen e vizitorëve të kësaj ngjarjeje të Cyrihit.

Zëdhënësi i “Street Parade”, Stefan Epli ka rekomanduar mysafirët që  të konsumojnë më shumë pije jo-alkoolike për shkak motit nxehtë.

Portale dhe televizione të ndryshme zvicerane po transmetojnë ”live” nga Cyrihu.