Lajme
Cyrihu kërkon të ndryshojë tarifat për procesin e nënshtetësisë zvicerane
Disa kandidatë që aplikojnë për shtetësi zvicerane në qytetin e Cyrihut do të paguajnë më pak për procedurën, ndërsa për të tjerët kostot do të jenë më të larta.
Procesi i natyralizimit në qytetin më të madh të Zvicrës kushtonte 1200 franga për ata që vinin nga jashtë dhe 500 franga për të huajt e lindur në Zvicër.
Këtë javë, Këshilli Bashkiak vendosi, megjithatë, të ‘barazojë’ koston: të gjithë të huajt, pavarësisht nga vendlindja e tyre, do të paguanin një tarifë fikse prej 750 frangash, transmeton albinfo.ch.
Personat nën moshën 25 vjeç do të aplikonin falas. Tarifa gjithashtu mund të hiqet pjesërisht ose plotësisht për njerëzit pa mundësi financiare për të përballuar këtë tarifë.
Ndërkohë që parti të ndryshme kundërshtuan shumën e re – me partitë e krahut të majtë që kërkonin ta ulnin atë në 500 franga – në fund u vendos që 750 franga do të ishte e drejtë, pasi do të mbulonte të gjitha kostot administrative, shkruan thelocal.
Gjatë debatit, Partia Popullore Zvicerane (SVP) e krahut të djathtë argumentoi kundër uljes së kostos për marrjen e shtetësisë.
“Nëse nuk kushton asgjë, nuk vlen më asgjë”, thanë deputetët e saj.
Në anën tjetër të spektrit politik, socialdemokratja Maya Kägi Götz vuri në dukje se një tarifë më e ulët do të ofronte një “nxitje për natyralizim”.
Këtë pikëpamje e ndau edhe një këshilltar i Gjelbër, Urs Riklin, i cili tha se ta bësh procesin e natyralizimit më të ‘përballueshëm’ është mirë për qytetin dhe Zvicrën në përgjithësi.
“Të gjithë duhet të jenë në gjendje të marrin pjesë në demokraci”, tha ai.
Vendimi përfundimtar për këtë lëvizje do të merret në një nga mbledhjet e ardhshme të këshillit.
Të tjera nga Lajme
E-Diaspora
-
Nju-Jork: Baleti Kombëtar i Kosovës me dy shfaqje Bëhet e ditur se Baleti Kombëtar i Kosovës, do të realizojë edhe një paraqitje tjetër të...
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
-
BQK: Mbi 112 milionë euro i sollën mërgimtarët në Kosovë vetëm gjatë marsit
Jeta në Austri
-
Katër liqene të bukura, tek të cilat mund të shkoni lehtësisht nga Vjena me transport publik Pranvera është këtu dhe vera është rrugës. Është koha e përsosur e vitit për të vizituar...
-
Sa vite duhet të punoni në Austri që të keni të drejtën e pensionit?
-
Austrian Airlines arrin marrëveshje pagash me punëtorët për të shmangur grevat e reja
-
Katër gjëra që duhet të dini para se të regjistroni fëmijën tuaj në një kopsht fëmijësh në Vjenë
-
A mund të marr përfitime papunësie në Austri nëse jam i vetëpunësuar?