Çmimet në Migros do të ulen me 2-3% për vitin 2023

Këtë e parashikon kryetari i Federatës së Kooperativave Migros. “Ne po shkojmë drejt rritjes së çmimeve 2-3% për vitin 2023.”

Në Migros, çmimet nuk do të rriten më si muajt e fundit, përkundrazi pritet të bien, edhe nëse çmimet do të rriten në tërësi në vitin 2023. Ky, me pak fjalë, është parashikimi i bërë nga Fabrice Zumbrunnen, presidenti i menaxhmentit të Federatës së Kooperativave Migros (FCM), i cili do të largohet nga zyra e tij në fund të prillit. Sipas vlerësimeve të gjigantit të shitjes me pakicë, rritja vjetore e çmimeve aktualisht është rreth 5%, por ka pasur një lehtësim në dy-tre javët e fundit: “Ne po shkojmë drejt rritjes së çmimeve prej 2 -3% për vitin 2023”, tregon Zumbrunnen për agjencinë Awp në periferi të konferencës së bilancit të kompanisë, e cila e mbylli vitin me një qarkullim prej 30.1 miliardë (+4%) dhe një fitim neto prej 459 milionë (-31%). Sipas menaxherit, situata është përmirësuar pas rënies së kostos së transportit dhe energjisë. “Prandaj ne do t’ua kalojmë këto avantazhe klientëve tanë dhe do të ulim sërish çmimet, siç kemi bërë në 2-3 javët e fundit”, siguron CEO, transmeton albinfo.ch.

Gazetarit që e pyet nëse Migros nuk ka kapur shumë në xhepat e konsumatorit, 53-vjeçari i përgjigjet: “Sigurisht që jo, e keni parë se sa presion ka marzhi”. 

Ndërkohë, trendi i rritjes së çmimeve ka ndryshuar sjelljen e klientëve, me rritje të shitjeve të produkteve të veta – përfshirë ato të linjës M-Budget – dhe në promocione. Segmenti i mallrave organike pati një zhvillim pozitiv në gjysmën e parë të vitit 2022, por situata ndryshoi në gjysmën e dytë të vitit, me rritje “disa më pak të forta se në vitet e mëparshme”, thotë Zumbrunnen. Menaxheri thekson se trendi i biznesit që nga fillimi i vitit 2023 ka qenë pozitiv, me një rritje të xhiros prej rreth 5%, gjë që inkurajon vlerësime optimiste për të gjithë vitin. “Edhe pse është e vështirë të parashikohet, ne presim që fitimet të rikuperohen këtë vit”, transmeton tutje albinfo.ch. 

Zumbrunnen do të largohet brenda pak më shumë se 30 ditësh për t’u fokusuar në “funksionet strategjike”, duke përfshirë mbështetjen e korporatave. Ai do të zëvendësohet nga Mario Irminger, CEO i Denner që nga viti 2011. Ndër pikat kryesore të mandatit të tij pesë-vjeçar, Zumbrunnen përmendi rritjen në sektorin e kujdesit shëndetësor: në shkurt, filiali Migros Medbase njoftoi blerjen e farmacisë zvicerane në internet Zur Rose. Hapa të mëtejshëm të rëndësishëm janë ndërmarrë nga Migros Bank. 

 

---