Cilat janë destinacionet e preferuara të turistëve të huaj në Zvicër?

Cilat janë destinacionet e preferuara të turistëve të huaj në Zvicër? Cilat janë kombësitë që shpenzojnë më shumë në Zvicër? Cilët janë vizitorët, të cilët janë më të prekur nga frangu zviceran i fortë? Këtu janë disa pyetje që gazeta „Blick“ ka vendosur t’iu përgjigjet, në bazë të shifrave të botuara nga Suisse tourisme (Turizmi zviceran).

Sipas kësaj gazete të përditshme, njofoton albinfo.ch, qyteti që ka qëndrime më të gjata në Zvicër është Cyrihu. Qytetet prapa tij janë  Gjeneva, Zermatti, Lucerni, Bazeli, Davosi, Lozana, Berna, Interlaken dhe Shën-Moritz.

Të zviceranët, të cilët përfaqësojnë 44,6% të qëndrimeve me fjetje, preferojnë vende si Lenk (BE), Sigriswil (BE), Morschach (LU), Schwende (UA) ose Scuol (GR).

Por, të huajt preferojnë destinacione të tjera të njohura jodomosdoshmërisht mirë. Kështu francezëve iu  pëlqen të qëndrojnë në anën e kantonit të Valais-së (Orsièrere), ndërsa belgët kërkojnë Anniviers Val (VS). Anglezët kanë një dobësi për Verbier, ndërsa amerikanët për Lucernin dhe rusët Bad Ragaz (GR). Japonezët preferojnë Grindelwald, ndërsa kinezët preferojnë Sisikon (UR) dhe indianët Giswil (OW).

Vini re se turistët janë në kërkim kryesisht të natyrës në Zvicër, pra janë natyra dhe malet që ata kërkojnë. Mikpritja dhe qetësia shumë herë janë përmendur nga këta turistë.

Shtetasit e Emirateve, shpenzuesit më të mëdhenj

Në anën e shpenzimeve nuk është çudi se shtetasit e Emirateve të Bashkuara Arabe janë më të dhënë pas pazarit, me një mesatare prej 430 frangash të shpenzuar çdo ditë. Kurse japonezet shpenzojnë 350 dhe  kinezët 330.  Interesante është fakti se zviceranët dhe francezët shpenzojnë më shumë se 160 franga në ditë, kurse holandezët fitojnë çmimin e koprracisë, duke shpenzuar vetëm 130 franga në ditë.

Por efekti i frangut të fortë ka pasur pasoja, thekson gazeta Blick. Që nga fillimi i vitit Zvicra ka regjistruar në të vërtetë një zbritje të numrit të turistëve gjermanë (9%), francezë (7.1% ) dhe italianë (7.7%)