Çifti Obama nënshkruan marrëveshje me Netflix

Ish-presidenti amerikan, Barack Obama dhe bashkëshortja e tij Michelle, kanë nënshkruar marrëveshje disavjeçare me platformën Netflix për të prodhuar një mori filmash e serialesh.

Nën emrin Higher Ground Productions, Obama ka mundësi që të prodhojë serialet skriptet e të cilave tashmë janë shkruar apo jo, por edhe filmat.  Marrëveshja sugjeron se Obama do të ketë rol më publik sesa që është e zakonshme për ish-presidentët amerikanë, përcjell albinfo.ch.

Marrëveshja me Netflix, platformë me rreth 125 milionë parapagues në botë do t’i japë çiftit Obama zë jashtë fjalimeve tradicionale, librave e punës bamirëse.

“Një prej gëzimeve më të mëdha të shërbimit tonë ishte mundësia që të takoheshim me njerëz të jashtëzakonshëm nga të gjitha fushat dhe të ndajmë me ta përvojat drejt audiencës më të gjerë”, ka thënë Obama në një njoftim për media.

Ai shtoi se Michelle dhe ai janë të entuziazmuar që do të bashkëpunojnë me Netflixin.