Shkurt.ch
Çfarë vetura duan zviceranët
Zvicra duket se po bie gjithnjë e më shumë në dashuri me vetura të mëdha dhe me paraqitje të fuqishme. Ata pretendojnë se janë më të sigurta dhe më të dobishme për familjet e mëdha, por dhe kur janë në male. Por çfarë ndodh me ndikimin e tyre në mjedis?
2018 ishte një vit i dobët për industrinë automobilistike zvicerane. Shitjet e përgjithshme të automjeteve të reja kanë rënë përsëri për të tretin vit radhazi, por një segment u dallua, përcjell albinfo.ch.
Sipas “Auto-suisse”, organizata ombrellë për importuesit e makinave, pothuajse një në çdo dy vetura apo 49% prej tyre që u shiten në Zvicër vitin e kaluar ishin makina 4x4s, një rekord zviceran dhe dyfish më shumë se dhjetë vjet më parë, shkruan “swissinfo”.
“Zvicra është një vend i pasur, makinat vijnë nga jashtë dhe franga zvicerane është e fortë, kështu që zviceranët blejnë vetura më të mëdha, më të gjera dhe më të gjata sesa fqinjët tanë evropianë”, ka thënë Pierre Emmanuel Dessemontet, ekspert në gjeografinë urbane dhe periferike në Institutin Federal të Teknologjisë në Llozanë (EPFL), përcjell albinfo.ch.
Për presidentin e “auto-swiss”, François Launaz, zviceranët duan një teknologji që ofron siguri më të madhe, veçanërisht në dimër.
“Edhe nëse shumica e popullsisë zvicerane nuk jetojnë në male, ata rregullisht udhëtojnë atje për ski”, tha ai për swissinfo.ch.
Mirëpo, kjo situatë po përballet me kundërshtim nga ambientalistët, të cilët këmbëngulin se Zvicra duhet të fokusohet në reduktimin e emetimeve të CO2 të shkaktuara nga transporti rrugor, përcjell tutje albinfo.ch.
Sipas Zyrës Federale për Mjedisin, nga 53.5 milionë ton CO2 emetuar në Zvicër në 2016, 28% erdhi nga transporti rrugor.
Veturat ishin përgjegjëse për 77% të këtyre shkarkimeve, pasuar nga kamionët 12% dhe furgonët 7%.
Mes viteve 1996-2016, emetimet mesatare të CO2 (dyoksidit të karbonit), nga veturat e reja ra në mënyrë të qëndrueshme, kryesisht për shkak të biokarburanteve. Por kjo u ndryshua në vitin 2017 + 0.4%, e ndjekur nga një rritje më e madhe në vitin 2018 + 3%.
E-Diaspora
-
Sot shfaqet në Cyrih filmi “The Land within”, i regjisorit Fisnik Maxville Filmi shfaqet në kuadrin e festivalit të filmit "Kino Kosova" që po mbahet në kinemanë RiffRaff...
-
“Kino Kosova”: Një realitet filmik i shikuar nga perspektiva femërore
-
Krasniqi sonte rikthehet në ring, përballet me boksierin portugez
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
-
Kalabri - Itali
Gennaro Gattuso flet për rrënjët e tij në Kalabri
Jeta në Austri
-
Çfarë më lejohet të bëj në ballkonin tim në Austri? Gjatë muajve të verës, mund të duket se çdo austriak jeton ekskluzivisht në ballkonet e tij...
-
Një përmbledhje e lajmeve më të fundit në Austri
-
A mund të paguani taksat tuaja austriake duke përdorur një llogari bankare të huaj?
-
Pse Austria renditet kaq keq në indeksin për lirinë e shtypit?
-
Nomadët digjitalë: Kush mund të punojë në distancë në Austri?