Lajme
Çfarë duhet të dini në lidhje me rregullat e karantinës së Krishtlindjeve në Austri
Austria ka njoftuar një karantinë dhjetëditore për mbërritjet gjatë periudhës së Krishtlindjes.
Në një konferencë shtypi të mërkurën, qeveria austriake njoftoi se po shtrëngonte rregullat ekzistuese të karantinës.
Karantina do të zbatohet për të gjithë që mbërrijnë në vend, d.m.th. shtetasit austriakë, banorët dhe joaustriakët. Pritet të ketë disa përjashtime për udhëtarët, megjithëse natyra e saktë e këtyre përjashtimeve nuk është përcaktuar, përcjell albinfo.at.
Aktualisht kushdo që hyn në Austri mund të shmangë karantinën nëse ka një rezultat negativ nga një test i kryer brenda 72 orëve nga mbërritja.
Kushdo, pa një test duhet t’i nënshtrohet dhjetë ditëve karantinë.
Sipas rregullave të reja, secilit që kthehet nga çdo zonë “me rrezik të lartë” do t’i kërkohet karantinë për dhjetë ditë – pavarësisht nëse ata kanë pasur një test negativ kohët e fundit, ose nëse premtojnë të kenë një të tillë në Austri.
Pas pesë ditësh në izolim, njerëzit do të kenë të drejtë të bëjnë një test falas të koronavirusit në mënyrë që të largohen më herët nga karantina. Pa provën e testit, karantina do të zgjasë dhjetë ditë.
Karantina zbatohet për të gjitha vendet fqinje dhe veçanërisht për Ballkanin Perëndimor, thuhet në vendimin e qeverisë austriake. Qeveria dëshiron të parandalojë, për shembull, festën e Vitit të Ri në Pragë ose vizitat në vendet e origjinës së familjeve në Ballkan, shtetet e të cilave vende kanë nivel jashtëzakonisht të larta të infeksionit. Ka përjashtime për udhëtarët e biznesit.
Detyrimi i karantinës vlen vetëm për ata që hyjnë në Austri, jo për anëtarët e familjes së tyre të cilët nuk e kanë kaluar kufirin, edhe nëse ata jetojnë në të njëjtën shtëpi.
Masat e reja të karantinës për banorët që kthehen në Austri, sipas mediave austriake do të hynë në fuqi nga mesi i dhjetorit, ndërkohë krone.at shkruan se kjo do të aplikohet nga data 19 dhjetor. Një gjë është bërë e qartë se kjo masë kufizuese do të përfundon me 10 janar, përcjell tutje albinfo.at.
Të ngjashme
Të tjera nga Lajme
E-Diaspora
-
Një shqiptaro-zvicerane ambicioze, në Kancelarinë Federale të Zvicrës Drenusha Hajdini punon në Kancelarinë Federale të Zvicrës. Ajo flet për albinfo.ch rreth postit që mban,...
-
Jehon kënga e vallja shqipe në sheshin e qytetit Thun
-
Shqipëri: A do të mundësohet vota e emigrantëve në zgjedhjet 2025?
-
Sot fillon në Cyrih Festivali i Filmit “Kino Kosova”
-
Vjenë
Vjenë: Kori Siparantum, edhe me një paraqitje në skenën prestigjioze
Jeta në Austri
-
Nomadët digjitalë: Kush mund të punojë në distancë në Austri? Pandemia e Covid-19 solli një epokë të re të mundësive të punës në distancë, por të...
-
Lajmet kryesore të Austrisë për këtë të enjte
-
“Haushaltsversicherung”: Si funksionon sigurimi i shtëpisë në Austri?
-
Vjenë
Vjenë: Kori Siparantum, edhe me një paraqitje në skenën prestigjioze
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998