Futboll

Çfarë drame, Danimarka barazon në 3:3 ndaj Zvicrës, Xhaka me super gol

E martë, 26 Mars 2019 - 22:41 albinfo.ch
(KEYSTONE/Alessandro della Valle)

Zvicra ka barazuar me Danimarkën 3:3, edhe pse ishin duke udhëhequr me tre gola në kualifikimet për Kampionatin Evropian “Euro 2020”.

Fillimisht ishte Freuler, i cili realizoi në minutën e 19-të, shkruan albinfo.ch.

Ai realizoi brenda zonës, një top i ndaluar nga Albian Ajeti, dhe futbollisti zviceran nuk gabon për 1:0.

Golin e dytë e ka realizuar mesfushori shqiptar, Granit Xhaka. Ai realizoi nga rreth 20 metra një super gol në minutën e 66-të. Xhaka e ka nisur ndeshjen nga fillimi dhe është kapiten. Ai u zëvendësua në minutën e 79-të.

Në minutën e 70-të, Admir Mehmedi hyri në lojë në vend të Albian Ajetin, derisa golin për 3:0 e shënoi Embolo në minutën e 76-të.

Por, Danimarka nuk u dorëzua dhe Jorgensen në minutën e 84-të dhe Gytkjaer në minutën e 88-të, zvogëluan shifrat në 3:2.

Në minutën e 93-të, Dalgaard shënoi për barazimin e kësaj ndeshje në 3:3.

 Të ngjashme

Arrihet historia: Granit Xhaka barazon Heinz Hermann me 118 ndeshje

 Të tjera nga Futboll

Presidenti i Baselit flet për të ardhmen e Shaqirit: “Nuk mendoj se do të largohet”

 E-Diaspora

 Jeta në Austri