Britani e Madhe: Kërcënimi nga koronavirusi në nivelin e katërt

KEYSTONE

Robert Janrick, Sekretar për Komunitete ka njoftuar se Britania e Madhe është në nivelin e katërt të kërcënimit nga koronavirusi.

Qeveria britanike ka krijuar një sistem të ri të alarmit për kërcënimin nga koronavirusi, i cili ka pesë nivele.

Niveli i pestë është më i keqi.

“Aspirata jonë është që të zbresim në nivelin tre”, tha Jenrick për Sky News.

“Çdo arritje në këtë drejtim, do të na mundësojë që të jemi në pozitë që të rihapim më shumë aspekte të ekonomisë dhe jetëve tona”, tha ai.

Sipas të dhënave të publikuara nga Universiteti Johns Hopkins, Mbretëria e Bashkuar është vendi i katërt në botë me numrin më të madh të të infektuarve. Në këtë shtet, mbi 218 mijë persona janë infektuar me COVID-19 dhe mbi 31 mijë prej tyre kanë vdekur, përcjell Albinfo.ch