Lajme
Britani: Rregulla të reja për disa vende, jo për Kosovën
Është bërë e ditur se udhëtarët e dhjetëra vendeve që arrijnë në Mbretërinë e Bashkuar, nga sot, nuk do të duhet të vetizolohen për dy javë, për shkak të koronavirusit, përcjell albinfo.ch.
Thuhet se rregullat që janë vendosur në fillim të qershorit, janë lehtësuar për udhëtarët e më shumë se 60 vendeve dhe territoreve britanike.
Megjithatë, lista e vendeve të Skocisë dallon pak nga ajo e Anglisë, Uellsit dhe Irlandës Veriore.
Skocia do të vazhdojë t’iu kërkojë udhëtarëve nga Spanja të vendosen në karantinë.
Duhet theksuar se lista e vendeve që nuk kanë nevojë për karantinë, nuk e përfshin Kosovën, as shumicën e vendeve të Ballkanit Perëndimor, transmeton radio Evropa e lirë.
Serbia ka qenë në listën e Anglisë, Uellsit dhe Irlandës Veriore, por është hequr sot, bazuar në vlerësimin e fundit të rrezikut nga koronavirusi.
Mbretëria e Bashkuar është vendi më i prekur në Evropë nga koronavirusi, me mbi 289,000 të infektuar dhe mbi 44,000 viktima.
Në gjithë botën, ndërkaq, janë regjistruar mbi 12.2 milionë raste pozitive me koronavirus.
Prej tyre, mbi 554,000 kanë vdekur dhe mbi 6.7 milionë janë shëruar.
Organizata Botërore e Shëndetësisë tha të enjten se “në shumicën e botës, virusi nuk është nën kontroll” dhe se pandemia është “përkeqësuar”.
“Pandemia ende po merr hov. Numri i përgjithshëm i rasteve është dyfishuar në gjashtë javët e fundit”, tha drejtori i përgjithshëm i OBSH-së, Tedros Adhanom Ghebreyesus.
Të ngjashme
Të tjera nga Lajme
E-Diaspora
-
9-vjeçarja Moda Ademi performoi në koncertin Rock Pop Jazz Night Para një pjesëmarrje të madhe të publikut, 9-vjeçarja shqiptare, Moda Ademi, performoi në koncertin Rock Pop...
-
Prof. Dr. Schader: Pa përpjekjet e duhura, shqipja në Zvicër rrezikon të shuhet pas dy brezave
-
Shqipja në Zvicër, pak histori dhe disa probleme aktuale
-
Artistja shqiptare, pjesë e filmit hollivudian, flet shqip
-
Vjenë
Suedi: Ekipi “kikiriki” nga Vjena fitoi vendin e parë në konkursin “Kuizi i Diturisë”
Jeta në Austri
-
80 vjedhje, 560 mijë euro dëm: Arrestohen katër shqiptarë në Austri Sipas policisë, në shumicën e vjedhjeve të banesave, viktimat kanë qenë të pranishëm dhe në gjumë...
-
Austri: Ministri i Brendshëm kërkon dëbimin në Kosovë të kriminelëve nga vendet e treta
-
Vjenë
Suedi: Ekipi “kikiriki” nga Vjena fitoi vendin e parë në konkursin “Kuizi i Diturisë”
-
Çfarë është e hapur dhe çfarë është e mbyllur në “Ditën e Ngjitjes” në Austri?
-
Përmbledhje e lajmeve më të fundit për sot në Austri