Blerta, kryetare e Organizatës së Akademikëve dhe Studentëve (OASA), në Berlin

Pa dyshim OASA është shtëpia e profesionistëve dhe akademikëve shqiptarë në Gjermani, transmeton albinfo.ch.

Blerta Lazebeu është kryetare e “Organizatës së të Diplomuarve dhe Studentëve Shqiptarë në Gjermani” (OASA).

Ajo tregon se qëllimi kryesor për të është ndihma që u ka dhënë dhe vazhdon t’u japë studentëve shqiptarë në Gjermani.

Mbi të gjitha, mbi sfidën e të përshtaturit me kulturën gjermanike dhe nevojën për të pasur një pikë takimi të përbashkët për studentët shqiptarë.

“Ideja e krijimit të OASA-s lindi nga një grup studentësh të Universitetit Teknik të Berlinit, si pasojë e mungesës së një rrjeti takimi e bashkëpunimi mes studentëve dhe të diplomuarve shqiptarë në Berlin dhe rrethina. Tanimë, OASA ka mbi 45 anëtarë të disiplinave të ndryshme dhe po shndërrohet gjithmonë e më tepër në një komunitet me në fokus profesionistët dhe akademikët në diasporë”, tregon Blerta.