Me blerjen e re, Apple përmirëson shërbimet për zhvilluesit e aplikacioneve

Apple ka blerë “Buddybuild”, një kompani e re që ofron shërbime për të ndihmuar zhvilluesit e aplikacioneve lidhur me testimin e përdoruesve.

Gjiganti i teknologjisë do të shfrytëzojë ekipin e “Buddybuildit” në divizionin e vet të inxhinierisë, ku do të punohen veçori të reja për zhvilluesit e aplikacioneve për sistemin iOS, transmeton Albinfo.ch.

“Buddybuild” aktualisht ofron shërbime dhe produkte të ngjashme me veçorinë ‘TestFlight’ që u mundëson zhvilluesve të aplikacioneve të shpërndajnë versionet beta.

Apple me këtë lëvizje forcon veçoritë që ishin prapa iPhoneve të fundit, si kamera ‘TrueDepth’ dhe përbërës e veçori të tjera të Realitetit të Shtuar.