Dhuron 1000 euro për shoqatën “Nëna dhe fëmijë të lumtur”

"Nena dhe femije te lumtur" (Facebook)

Drejtori i Unionit të Bizneseve Shqiptaro-Gjermane, Bekim Brestovci, ka festuar ditëlindjen e 50-të, me ç’rast ka marrë dhuratë 1000 euro nga kompanitë anëtare të këtij rrjeti.

Por, ai ka vendosur që këtë shumë ta dhurojë për nënat dhe fëmijët në nevojë, sipas një njoftim të shoqatës “Nëna dhe fëmijë të lumtur”, përcjell albinfo.ch.

Po ashtu, nga kjo shoqatë kanë njoftuar se kjo shumë do të dyfishohet nga BERZH (Banka Evropiane për Rindërtim dhe Zhvillim). Ata kanë falënderuar Brestovcin dhe i kanë ndarë një mirënjohje me këtë rast.

Përndryshe, kjo shoqatë së fundi ka nisur edhe një fushatën humanitare “Dreka e Bajramit”, përmes së cilës fton njerëzit vullnetmirë që të kontribuojnë me nga 20 euro, në mënyrë që t’u sigurojnë familjeve skamnore nga një drekë gjatë kësaj feste.

Më shumë detaje rreth kësaj fushate mund të gjeni duke klikuar këtu.