Kosova
Bizneset kosovare po pësojnë nga mosliberalizimi i vizave
Mos liberalizimi i vizave përveç që është pengesë për lëvizjen e lirë të kosovarëve, problem në punën e tyre po u shkakton edhe shumë bizneseve në vend.
Këtë e pohon edhe kryetari i Odës Ekonomike të Kosovës, Safet Gërxhaliu, sipas të cilit, si pasojë e mos liberalizimit dhe procedurave burokratike për t’u pajisur me viza, shumë biznese po humbin partnerët e tyre biznesorë në shtetet e Evropës.
Ndonëse po bëhet një dekadë që kur heqja e vizave u është premtuar kosovarëve, qytetarët vazhdojnë të presin me muaj të tërë për t’u pajisur me viza. Përveç tyre, edhe shumë biznese në vend po ballafaqohen me problemin e izolimit. E njëra nga to është edhe kompania “EuroMetal”, nga Ferizaj, e cila merret me përpunimin e metaleve. Elbasan Musliu nga kjo kompani, thotë për Radio Kosovën se në mungesë të vizave, ata kanë refuzuar punën e cila po iu besohet nga partnerët evropianë, shkruan RTK, përcjell Albinfo.ch.
“Veç në vitin 2018 i kemi refuzuar tri projekte për Zvicër edhe Gjermani vetëm shkaku i mos liberalizimit të vizave, shkaku i pamundësisë së punëtorëve për të shkuar në shtetet evropiane për ta përfunduar projektin”, tha ai.
Se janë të shumta bizneset që po pësojnë nga mos liberalizimi i vizave dhe procedurat burokratike për t’u pajisur me ato, e thotë për Radio Kosovën edhe kryetari i Odës Ekonomike të Kosovës, Safet Gërgjaliu.
“Çdo ditë në Odën Ekonomike të Kosovës vijnë biznese vendore, të cilët janë duke humbur partnerë në Evropë, të cilët janë duke limituar kapacitetet e tyre qoftë prodhuese apo edhe shërbyese, në mungesë të vizave. Përveç kësaj, në mungesë të vizave po bie edhe niveli i konkurrueshmërisë dhe produkteve kosovare”, u shpreh Gërxhaliu.
Por, deri atëherë kur për Kosovën të hiqen vizat, Gërxhaliu për ambasadat e shteteve evropiane ka këtë kërkesë: ‘Apelojmë tek ambasadat që të tregojnë shumë më shumë fleksibilitet në dhënien e vizave për biznese. Të kenë një qasje pak më ndryshe. Sepse në këtë mënyrë, vetëm po ngulfatet zhvillimi ekonomik. Kjo formë e ngufatjes së zhvillimit ekonomik vërtet është duke e dëmtuar Kosovën në shumë dimensione”, pohoi ai.
Këtyre ditëve, Komisioni Evropian pritet të nxjerrë rekomandim lidhur me liberalizimin e vizave për Kosovën. Nëse rekomandimi është pozitiv, njohës të proceseve të integrimeve evropiane pohojnë se në fund të këtij viti, ose në tre mujorin e parë të vitit të ardhshëm, mund të merret vendimi përfundimtar për liberalizim. Por, në rast se nuk ndodh kështu, atëherë vendi mund të mos marrë liberalizimin e vizave, as në vitin 2019, kur edhe organizohen zgjedhjet për Parlamentin Evropian, shkruan RTK, përcjell Albinfo.ch.
E-Diaspora
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër” Nën realizimin e Konsullatës së Republikës së Kosovës në Cyrih këtë fundjavë është zhvilluar seminari me...
-
Paraqitet si kroat, me pasaportë false – burgoset muratori nga Kosova
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim
-
Kryediplomati shqiptar, Igli Hasani, takon homologun e tij nga Zvicra, Ignazio Cassis
-
Gjon’s Tears në intervistë për median zvicerane, flet për Kosovën
Jeta në Austri
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi Policia austriake raportohet të ketë arrestuar një 14-vjeçare me origjinë nga Mali i Zi nën dyshimet...
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë?
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?
-
Lajmet më të fundit të së enjtes në Austri