Kuriozitete
Bitcoin shkakton 12 miliard dollarë dëme
Megjithëse Bitcoin është thjesht virtual, tregu për këtë kriptomonedhë ka kosto të mëdha mjedisore.
Midis viteve 2016 dhe 2021, minimi i Bitcoin, më i popullarizuari i kriptomonedhave, shkaktoi dëme mjedisore për mbi 12 miliardë dollarë. Ai ka një ndikim klimatik të ngjashëm me atë të nxjerrjes së naftës dhe më të madh se ai i arit. Kjo është bërë e ditur nga një studim i Universitetit të Nju Meksikos, i publikuar në revistën Scientific Reports, i cili vlerëson ndikimin mjedisor të prodhuar nga nxjerrja e kriptomonedhës, një teknikë që kërkon përdorimin e shumë energjie elektrike.
Në përgjithësi, emetimet e sektorit janë të barabarta me ato të një shteti si Nepali ose Republika e Afrikës Qendrore.
Dëmi joproporcional i klimës, thonë studiuesit, është për shkak të “mining proof-of-work”, procesit kompjuterik të verifikimit të informacionit që konsumon sasi të mëdha të energjisë elektrike. Pjesa më e madhe e kësaj (64%) vjen nga lëndët djegëse fosile, sipas indeksit të përditësuar të përzierjes energjetike të monedhave digjitale në Universitetin e Kembrixhit, transmeton cnn, përcjell Albinfo.ch.
Këto janë përllogaritje që kërkojnë shumë energji, aq sa në vitin 2020 prodhimi i Bitcoin përdorte 75.4 Teraëatt (TËh) orë energji elektrike në nivel global, më shumë se sa harxhonte në një vit në një vend si Austria dhe një e katërta e Italisë. Emetimet e CO2 të prodhuara nga nxjerrja e tyre janë rritur 126 herë me kalimin e kohës, nga 0.9 ton për një Bitcoin të vetëm në 2016 në 113 në 2021 dhe në përgjithësi emetimet e prodhuara midis 2016 dhe 2021 do të ishin ekuivalente me dëmin e vlerësuar në mbi 12 miliardë dollarë.
Duke ndërlidhur emetimet e prodhuara me vlerën e tyre të tregut, studiuesit vlerësuan se në maj 2020, dëmi klimatik i prodhuar nga nxjerrja e një Bitcoini të vetëm tejkaloi çmimin e monedhës me 50%. Mesatarisht, kostot mjedisore përfaqësojnë 35% të vlerës së tyre të tregut, një shifër e afërt me ndikimin e nxjerrjes së naftës (41%). Ari, me të cilin shpesh krahasohet Bitcoin, ka një ndikim prej vetëm 4%.
E-Diaspora
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman Autorja prezanton në bibliotekën "Pestalozi", në Cyrih romanin e saj të sapobotuar "Die Töchter des...
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
-
Avokati kërkon lirimin e menjëhershëm të shqiptarit të akuzuar për vrasje të dyfishtë
-
Mërgimtari humb jetën në vendin e punës, në Maltë
-
Kurti dhe Rozeta Hajdari vizituan Panairin e “Hannover Messe 2024”
Jeta në Austri
-
Katër gjëra që duhet të dini para se të regjistroni fëmijën tuaj në një kopsht fëmijësh në Vjenë Lëvizja në një vend të ri mund të jetë sfiduese, por stresi i gjetjes së kujdesit...
-
A mund të marr përfitime papunësie në Austri nëse jam i vetëpunësuar?
-
Bora zbardh Austrinë
-
Austri: Dënohet me 15 vjet burg, kosovari që sulmoi të dashurën me thikë dhe kaçavidë
-
Lumir Abdixhiku para bashkatdhetarëve në Vjenë, kërkon mbështetje për Lukas Mandl