Muzikë
Bashkatdhetarët e Gjenevës i bëjnë befasi këngëtares shqiptare për 50-vjetorin në skenë
Para pak ditësh, Shoqata “Komuniteti Shqiptar” dhe “Ansambli Gëzuar” në Gjenevë me rastin e jubileut të 50 – me këngën dhe skenën artistike të solistes shumë të çmuar, organizuan një befasi madhështore për artisten e vlerave të mëdha shqiptare – Shkurte Fejza, përcjell albinfo.ch.
Valltaret nga “Ansambli Gëzuar”, me spikatje nga veshjet kombëtare, pastaj prindër dhe anëtarë kryesie të shoqatës “Komunitetit Shqiptar” të mbledhur në sallën «Villa Tachinni» në Gjenevë me një prezencë madhështore dhe nën përcjellën e këngës «Mora fjalë» si dhe duartrokitje të shumta, pritën artisten dhe bilbilin e këngës shqipe, të adhuruarën Shkurte Fejza. Kjo prezencë dhe kjo pritje aq e ngrohtë sikur emocionoi solisten, e cila në shenjë falënderimi i përshëndeti ngrohtësisht mbi njëqind të pranishëm të cilët ndodheshin aty.
Për një çast, fjalët u dukën të tepërta…
SHKURTE FEJZA
Mjeshtre e madhe
Mirë se erdhe në konakun tonë
50 të vite në skenë
Ikona jonë
Mikpritja, respekti dhe adhurimi për ikonën e këngës shqipe nuk qëndronte vetëm në këta rreshta, por gjithandej nga të pranishmit, të cilët kishin ardhur për ta uruar e takuar solisten.
Nga ana tjetër, këngëtarja shqiptare u shpreh: “Ishte befasia më e këndshme që kam përjetuar kohëve të fundit dhe nuk do ta harroj kurrë. Pritja që në aeroport dhe pastaj në selinë e Shoqatës ishte e mrekullueshme dhe ju falënderoj nga zemra. Vlerësimi me mirënjohje dhe prezentimi me aktivitetet dhe punën e palodhshme që po e bëni janë dhurata më e mirë për mua. Komuniteti shqiptar në Gjenevë është shembull se si ruhet dhe kultivohet tradita shqiptare kudo nëpër botë dhe do të shënohet me shkronja të arta në historinë më të re të Kosovës.
P.S. Nganjëherë ngjarjet ndodhin paplanifikuar sikur kësaj radhe dhe unë edhe zyrtarisht këtë ditë e shpall si fillim i kremtimit të 50-vjetorit të karrierës sime artistike, e cila do të kulmojë në Prishtinë e Tiranë”, u shpreh ajo. /Albinfo.ch
E-Diaspora
-
Sot shfaqet në Cyrih filmi “The Land within”, i regjisorit Fisnik Maxville Filmi shfaqet në kuadrin e festivalit të filmit "Kino Kosova" që po mbahet në kinemanë RiffRaff...
-
“Kino Kosova”: Një realitet filmik i shikuar nga perspektiva femërore
-
Krasniqi sonte rikthehet në ring, përballet me boksierin portugez
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
-
Kalabri - Itali
Gennaro Gattuso flet për rrënjët e tij në Kalabri
Jeta në Austri
-
Çfarë më lejohet të bëj në ballkonin tim në Austri? Gjatë muajve të verës, mund të duket se çdo austriak jeton ekskluzivisht në ballkonet e tij...
-
Një përmbledhje e lajmeve më të fundit në Austri
-
A mund të paguani taksat tuaja austriake duke përdorur një llogari bankare të huaj?
-
Pse Austria renditet kaq keq në indeksin për lirinë e shtypit?
-
Nomadët digjitalë: Kush mund të punojë në distancë në Austri?