Maqedonia
AZGj, shënoi Ditën Ndërkombëtare të Gjuhës Amtare
Në studimet e tyre profesorët e Gjuhës analizuan dhe ngritën problematikat që ndesh gjuha shqipe në RMV, Kosovë dhe Shqipëri etj., për ruajtjen e standardit
21 Shkurti, i shpallur nga Unesko si Dita Ndërkombëtare e Gjuhës Amëtare, u shënua nga Agjencia e Zbatimit të Gjuhës me një konferencë shkencore me temë, “Gjuha shqipe- perspektivat dhe rreziqet”.
Fjalën përshëndetëse e mbajti Drejtori i AZGj-së, Ardian Musliu, i cili vuri theksin në kultivimin praktik të gjuhës shqipe si baza e identitetit tonë.
Me fjalë rasti përshëndetën konferencën e organizuar nga AZGj Jeton Shaqiri, ministër i Arsimit, Sabri Laçi, dekan në Fakultetin e Historisë dhe Filologjisë në Universitetin e Tiranës. Ndërsa nga Universitet i Tetovës përshëndetën rektori Jusuf Zejneli dhe Berton Sulejmani, dekan i Fakultetit Filologjik.
Pjesa e dytë e koferencës vazhdoi me ligjëratat e gjuhëtarëve titullarë nga Shqipëria, Kosova dhe Maqedonia e Veriut. Ahmet Selmani, këshilltar shtetëror në AZGj, paraqiti para auditorit punimin shkencor me tiull, “Gjuha si fenomen brenda kohës dhe hapësirës”, ndërsa Ajten Ajdari Qamili nga Universiteti Shën Kirili dhe Metodi në Shkup, mbajti ligjëratën me titull “Përballja e Gjuhës shqipe me gjuhët e tjera ndër shekuj”.
Shezai Rrokaj, drejtues i Departamentit të Gjuhësisë në Universitetin e Tiranës, shtjelloi temën me titull “Gjuha shqipe, mishi dhe ashti i kombit tonë”. Anyla Saraçi, drejtuese e Departamentit të Gjuhë-Letërsisë në Universitetin e Korçës, mbajti ligjëratën me temën “Zhargoni përmes muzikës-“trend” i çoroditjes gjuhësore”. Izer Maksuti nga Universiteti i Prizrenit foli rreth temës “Ruajtja e gjuhës shqipe në diasporë”. Qëndrim Morina nga gjimnazi, “Hasan Nahi” në Prishtinë trajtoi “Fjala shqipe në vend të fjalës së huaj”.
Në studimet e tyre profesorët e Gjuhës analizuan dhe ngritën problematikat që ndesh gjuha shqipe në RMV, Kosovë dhe Shqipëri etj., për ruajtjen e standardit në një rajon të karakterizuar nga diversiteti etnik dhe gjuhësor, si edhe përpjekjet e mbi një milion shqiptarëve në diasporën më të vonshme për të ruajtur gjuhën shqipe nga asimilimi, si e drejtë natyrore e çdo populli.
AZGj e ka bërë traditë festimin e përvitshëm të Ditës Ndërkombëtare të Gjuhës Amtare jo vetëm nëpërmjet takimesh profesionale me gjuhëtarë nga trevat shqiptare e diaspora, por dhe kontributin që jep për mbrojtjen dhe avancimin e gjuhës shqipe në Maqedoninë e Veriut.
Një kuriozitet. Në botë fliten mbi 6 mijë gjuhë të ndryshme, 3 mijë prej tyre janë të destinuara të zhduken. Gjuha shqipe nga gjuhët më të vjetra, me gjithë pushtimet dhe ndikimet e ndryshme, u ka qëndruar mijëvjeçarëve duke e ruajtur identitetin dhe karakterin e saj unik.
E-Diaspora
-
Pianistja shqiptare mban koncert recital në Washington DC Bëhet e ditur se pianistja kosovare, Ardita Statovci, do të prezantohet me koncert recital në Washingtom...
-
Iu keqësua gjendja shëndetësore gjatë fluturimit Zvicër – Kosovë, vdes gruaja kosovare
-
Shqiptari plagos rëndë shqiptarin në Belgjikë
-
Duesseldorf
Welt: Shqiptari dyshohet se vrau pronarin e lokalit në Gjermani shkaku i borxheve të bixhozit
-
Mes një mijë konkurrentëve, shqiptarja fiton çmimin e tretë në finale e madhe të “Sanremo Junior”
Jeta në Austri
-
Austri: Përmbledhje e lajmeve të fundit të ditës së sotme Innsbruck me kryebashkiak të ri, SPÖ e qendrës së majtë zbulon planin për të financuar propozimin...
-
Gjithçka që ndryshon në Austri nga muaji maj
-
Katër liqene të bukura, tek të cilat mund të shkoni lehtësisht nga Vjena me transport publik
-
Sa vite duhet të punoni në Austri që të keni të drejtën e pensionit?
-
Austrian Airlines arrin marrëveshje pagash me punëtorët për të shmangur grevat e reja