Lajme
Austria ndalon aterrimin e aeroplanëve nga të gjitha shtetet e Ballkanit Perëndimor
Nga e enjtja, avionët nga të gjitha vendet e Ballkanit Perëndimor (Shqipëria, Kosova, Maqedonia e Veriut, Serbia, Mali i Zi dhe Bosnja) si dhe nga Bullgaria, Rumania, Republika e Moldavisë dhe Egjipti nuk mund të aterrojnë më në Austri
Austria ka vendosur të bëjë një zgjerim masiv të listës së vendeve nga të cilat bën ndalimin e uljes së avionëve në aeroportin Swechhat të Vjenës. Fjala është për fluturimet nga të ashtuquajturat “zona të rrezikut SARS-CoV-2”, shkrfuan agjencia APA. Deri më tani, aeroplanët nga tetë vende dhe një rajon i Italisë nuk lejoheshin të aterrojnë në Austri ndërsa tani, nga e enjtja (pasnesër) sipas një rregulloreje të re të shpallur nga Ministri i Shëndetësisë Rudolf Anschober në listë përfshihen 18 vende.
Në këtë rregullore ka një përjashtim. Fjala është për Lombardinë Italiane, të cilën ministri e ka hequr nga lista e rrezikut, transmeton albinfo.ch. Nga ky regjion, duke filluar nga 16 korriku aeroplanët do të lejohen përsëri të fluturojnë drejtpërdrejt në Austri.
Nga e enjtja, avionët nga të gjitha vendet e Ballkanit Perëndimor (Shqipëria, Kosova, Maqedonia e Veriut, Serbia, Mali i Zi dhe Bosnja) si dhe nga Bullgaria, Rumania, Republika e Moldavisë dhe Egjipti nuk mund të aterrojnë më në Austri. Ndalesa vlen njëherë për njëherë deri në fund të korrikut.
Ndërkaq, nuk do të ketë ndryshime për vendet tashmë të prekura nga ndalimi. Pra, fluturimet nga Bjellorusia, Kina, Britania e Madhe, Irani, Portugalia, Rusia, Suedia dhe Ukraina për në Austri vazhdojnë të jenë të ndaluara.
Aterrimet nga të gjitha vendet në listë mbeten të mundshme vetëm përjashtimisht në disa kategori, përcjell albinfo.ch. Aty bëjnë pjesë fluturimet në interes të Republikës së Austrisë, fluturime për transportim të mallrave, të sëmurëve, etj.
E-Diaspora
-
Sot fillon në Cyrih Festivali i Filmit “Kino Kosova” Platforma albinfo.ch është partnere mediale e festivalit dhe ajo do të ju mbajë të informuar mbi...
-
Vjenë
Vjenë: Kori Siparantum, edhe me një paraqitje në skenën prestigjioze
-
“Deputetët nga këto shtete janë kundër anëtarësimit të Kosovës në KiE”
-
Gjenevë
Gjenevë: Ramë Dardania sjell ekspozitë më 14 qershor
-
Mentor Latifi është emëruar ambasador i ri i Kosovës në Zvicër
Jeta në Austri
-
“Haushaltsversicherung”: Si funksionon sigurimi i shtëpisë në Austri? “Haushaltsversicherung” është një nga llojet më të njohura të sigurimeve në Austri. Nuk është e detyrueshme,...
-
Vjenë
Vjenë: Kori Siparantum, edhe me një paraqitje në skenën prestigjioze
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998
-
A do të zhvendoset nga burgu austriaku Fritzl që u dënua me burgim të përjetshëm për dhunimin e të bijës?
-
Austri: Përmbledhje e lajmeve të fundit të ditës së sotme