Lajme

Arrihet marrëveshja: Gjermania shkon në zgjedhje më 23 shkurt

Zjedhjet e parakohshme në Gjermani, më 23 shkurt

E martë, 12 Nëntor 2024 - 13:15 albinfo.ch

Gjermani - unsplash - photo by Florian Wehde

Gjermania do të zgjedhë një Bundestag të ri në fund të shkurtit, përcjell albinfo.ch.
Pas diskutimeve të përbashkëta, kreu i grupit parlamentar të SPD, Rolf Mützenich dhe kreu i grupit parlamentar të CDU, Friedrich Merz, arritën një marrëveshje: zgjedhjet duhet të zhvillohen më 23 shkurt.
FDP dhe Të Gjelbrit gjithashtu ka të ngjarë të mbështesin këtë datë.
Prandaj, kancelari Olaf Scholz ndoshta do të kërkojë votëbesimin përpara datës 15 janar.
Sekretari i Përgjithshëm i CDU-së, Carsten Linnemann, kishte thënë në ZDF “Morgenmagazin” se ndoshta do të ketë zgjedhje të reja më 16 ose 23 shkurt.
“Shpresoj dhe jam i sigurt se do të kemi qartësi shumë shpejt. Ndoshta në orët e ardhshme”.