Kuriozitete
Arkeologët në Turqi e kanë gjetur një mbishkrim 2.200-vjeçar
Në Turqinë veri-perëndimore është gjetur një mbishkrim 2.200-vjeçar që përmban një dekret prej 22 vargjesh. Dekreti është gjetur në qytetin antik Antandros, i themeluar në shekullin 10-të para erës sonë, ndërsa, sipas burimeve, daton madje nga viti 2.000 para erës sonë, shkruan Albinfo.ch
Gurcan Polat, ligjërues në Universitetin Ege dhe njëherësh kryetar i grupit gërmues, tha se gërmimet në këtë qytet antik romak vazhdojnë që nga viti 2001.
“Në gërmimet e këtij viti kishte një pus që kishim hapur më herët, që mendojmë se i përkiste një shtëpie. Mbi një kanal që e ushqente atë pus vërejtëm një gur të kthyer mbrapsht dhe me cepa të drejtë. Ne konsideruam se edhe kjo ka qenë një pjesë e tyre”, theksoi ai, duke shtuar se guri i gjetur është dërguar deri tek ekipet e ekspertëve.
Ai rikujtoi se në atë periudhë Antandrosi ishte pjesë e Mbretërisë së Pergamonit.
“Ky dekret përmban një tekst i cili nderon dhe i jep privilegje një komandanti të dërguar në Antandros nga ana e mbretit të Pergamonit Eumenes dhe Attalos. Ai vendosej në një vend ku mund të shihej nga të gjithë. Mund të thuhet se ishte një praktikë që i ngjan gazetës zyrtare të ditëve të sotme”, ka shtuar Polat.
Gjetja është realizuar në kuadër të gërmimeve të kryesuara nga Ministria turke e Kulturës dhe Turizmit, ndërsa supozohet se ajo do të ofrojë të dhëna të reja historike.
Të ngjashme
Të tjera nga Kuriozitete
E-Diaspora
-
Edhe këtë vit panairi “Gjergj Kastrioti Skënderbeu“ bashkoi shqiptarët e Amerikës Panairi më në zë te shqiptarët “Gjergji, Heroi Kombëtar”, gjithmonë i ka bërë bashkë shqiptarët, përcjell...
-
CIES: Xhaka, lojtar me ndikim, vlerësohet me 92.3 pikë
-
Xhaka e Gjimshiti, në ekipin më të mirë të Ligës së Evropës
-
Prokuroria zvicerane kërkon 16 vjet burg për Arditin që vrau gruan e tij, Besimen
-
Me plis e me flamur kombëtar, preshevari diplomon në SHBA
Jeta në Austri
-
Çfarë duhet të dini për kontratat kolektive nëse punoni në Austri? Nëse punoni në Austri – ose po kërkoni punë këtu – me siguri do të keni...
-
Çfarë ndryshon në Austri nga muaji qershor?
-
Avdijaj, më i miri i xhiros së fundit në Austri
-
Austria dhe Britania e Madhe me bashkëpunim për deportimin e emigrantëve
-
Vjenë: Droni “kap” 5 shqiptarë që po punonin në të zezë