Kuriozitete
Apple zvogëlon prodhimin në Kinë
Një raport i ri shkruan se një në shtatë iPhone tani prodhohet në Indi, duke treguar për një përshpejtim të konsiderueshëm në punën e Apple për të zvogëluar varësinë nga Kina.
Varësia e Apple nga Kina, si qendër prodhuese kyçe, e ka vënë kompaninë në një pozitë gjithnjë e më të cenueshme…
Rreziqet e varësisë së Apple nga Kina
Nevoja e Apple për të zvogëluar varësinë nga Kina, si qendër prodhimi, është e qartë prej shumë vitesh, por ndikimi i pandemisë në fabrikën më të madhe të montimit të iPhone në botë e theksoi edhe më shumë këtë.
Vlerësohet se ndërprerja e lidhur me COVID-19 i ka kushtuar kompanisë 1 miliard dollarë në javë.
Ndër të tjera, tensionet politike në rritje mes ShBA-së dhe Kinës ka bërë që qeveria kineze të dekurajojë qytetarët që të blejnë iPhone.
Tani, një në shtatë iPhone prodhohet në Indi
Prej kohësh, Apple synon Indinë si seli të dytë të prodhimit parësor. Prej kohësh qarkullojnë lajme ambicioze – një e katërta e iPhone mund të prodhohen në Indi brenda 2025 dhe gjysma e të gjithë iPhone brenda 2027, por deri më tani përparimet kanë qenë relativisht modeste.
Por në raportin e fundit, Bloomberg shkruan se në vitin e fundit janë bërë hapa të konsiderueshëm.
Sipas asaj që publikoi të mërkurën Bloomberg News, Apple montoi në Indi, iPhone për një vlerë prej 14 miliardë dollarësh në vitin fiskal 2024.
Bloomberg News shkruan se Apple prodhon në Indi 14% të të gjithë pajisjeve më të shtrenjta, ose 1 në 7, sipas personave që kanë dijeni me çështjen.
Montimi në Indi i iPhoneve deri tani është ndarë në tre furnizues: 67% është realizuar nga Foxconn; 17% nga Pegatron dhe 14% nga Wistron/Tata. (Wistron u largua vitin e kaluar, duke ankuar se Apple nuk e lejonte të realizonte fitime, dhe Tata mori përsipër prodhimin e saj).
Kjo e ka ndihmuar kompaninë me seli në Cupertino të zvogëlojë rreziqet që lidhen me varësinë e tepërt nga një furnizues i vetëm.
E-Diaspora
-
Floriani 10 vjeçar bën selfie me Xhakën, i kushtoi babait të tij 2600 franga. Floriani i vogël (10) është një tifoz i madh i Granit Xhakës: Nëntorin e kaluar, ai...
-
Detaje nga rasti kur një shtetas nga Kosova vrau pronarin e biznesit në Dyseldorf
-
Arnold “The Cobra” Gjergjaj triumfon në luftën e fundit
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
Jeta në Austri
-
Austri: Përmbledhje e lajmeve të fundit të ditës së sotme Innsbruck me kryebashkiak të ri, SPÖ e qendrës së majtë zbulon planin për të financuar propozimin...
-
Gjithçka që ndryshon në Austri nga muaji maj
-
Katër liqene të bukura, tek të cilat mund të shkoni lehtësisht nga Vjena me transport publik
-
Sa vite duhet të punoni në Austri që të keni të drejtën e pensionit?
-
Austrian Airlines arrin marrëveshje pagash me punëtorët për të shmangur grevat e reja