Integrimi
Ambasadorët e tri shteteve konfirmojnë mbështetjen për Rrjetin e Bizneseve të Diasporës Shqiptare në Zvicër
Në përfundim të takimit pjesëmarrësit ranë dakord në parim që në një të ardhme shumë të afërt të nënshkruajnë një Memorandum Bashkëpunimi me synim institucionalizimin, forcimin e bashkëpunimit si dhe rritjen e rolit të përbashkët, me qëllim nxitjen e aktivitetit ekonomik dhe shkëmbimeve tregtare mes Zvicrës dhe vendlindjes.
Tre ambasadorët e tri ambasadave: të Kosovës, Shqipërisë dhe Maqedonisë së Veriut në Zvicër kanë pritur të hënën në Ambasadën e Kosovës në Bernë në një takim një delegacion të Rrjetit të Bizneseve Shqiptare në Zvicër, si forum profesional i bizneseve mbarëshqiptare në Zvicër.
Në linjë me politikat e qeverive respektive në mbështetje të diasporës në përgjithësi dhe bizneseve në diasporë në veçanti, sot në mjediset e Ambasadës së Republikës së Kosovës në Bernë u realizua një takim pune mes ambasadorit të Republikës së Shqipërisë në Bernë, z.Ilir Gjoni, atij të Kosovës, z. Sami Ukelli dhe ambasadorit të Maqedonisë së Veriut, z.Kenan Ramadani, me drejtues të Rrjetit të Bizneseve të Diasporës në Zvicër, përkatësisht znj.Merita Pinta, Presidente e shoqatës, z. Fehmi Fetahu, President i Bordit të Rrjetit të Bizneseve të Diasporës Shqiptare në Zvicër, njëherësh Kryetar Nderi, si dhe zotërinjtë Rexhep Berisha, nënkryetar i Kryesisë dhe Nazmi Jakurti, këshilltar juridik.
Gjatë këtij takimi u diskutua për linjëzimin e veprimtarisë së tri ambasadave kundrejt biznesit shqiptar në diasporë, harmonizimin e veprimtarive si dhe hapat konkretë të bashkëpunimit me Rrjetin e Bizneseve të Diasporës Shqiptare në Zvicër.
Në përfundim të takimit pjesëmarrësit ranë dakord në parim që në një të ardhme shumë të afërt të nënshkruajnë një Memorandum Bashkëpunimi me synim institucionalizimin, forcimin e bashkëpunimit si dhe rritjen e rolit të përbashkët, me qëllim nxitjen e aktivitetit ekonomik dhe shkëmbimeve tregtare mes Zvicrës dhe vendlindjes.
Objektivi kryesor do të jetë prezantimi i vendlindjes dhe mundësive që ofron ajo për investitorët dhe sektorin privat nga Zvicra, tërheqjen e investimeve zvicerane drejt vendlindjes, mbështetjen e eksporteve të gjithëllojshme nga vendet e origjinës drejt Zvicrës, mbështetjen dhe lehtësimin e bizneseve shqiptare që synojnë të realizojnë aktivitet ekonomiko-tregtar me Zvicrën dhe në Zvicër, mbështetjen e iniciativave të dyanshme dhe realizimin e projekteve të përbashkëta në fushën e promovimit të kulturës, gjuhës shqipe, personaliteteve dhe talenteve të diasporës shqiptare në Zvicër.
Rrjeti i Bizneseve të Diasporës Shqiptare në Zvicër për herë të parë prej themelimit të tij, në vitin 2013, udhëhiqet nga një grua ndërmarrëse.
Rrjeti i Bizneseve të Diasporës Shqiptare në Zvicër është themeluar në vitin 2013, si organizatë e parë e pavarur jopolitike dhe joprofitabile, si urë lidhës e bizneseve të diasporës me vendlindjen.
E-Diaspora
-
Shkëlqimi shqiptar dhe eleganca e kohëve të shkuara në ekspozitën e Kristian Zefit Në këtë ekspozitë, në Rothrist (Aargau) do të paraqiten instrumenta tradicionale, artefakte etnografike dhe kostume të...
-
Arrestohen këngëtarët shqiptarë në një “Bajram party”, në Zvicër
-
Shtetasja zvicerane arrestohet në Viti për shkak të kërcënimeve
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
Jeta në Austri
-
LDK-ja në Austri organizon takim në mbështetje të Lukas Mandl, merr pjesë edhe kryetari Lumir Abdixhiku Lidhja Demokratike e Kosovës organizon takim informues me Eurodeputetin Lukas Mandi, kandidat në zgjedhjet EU2024 që...
-
Pas ndalimit në Serbi linjat e autobuseve Austri – Kosovë vazhdojnë rrugëtimin pa pengesa
-
Lukas Mandl kërkon votën e shqiptarëve në Austri
-
Kapet pas disa vitesh vjedhësi serik shqiptar, “e tradhtojnë” këpucët
-
Dy të vdekur nga orteku në Austri