Lajme
Winterthur: Denoncohet një grafit si “provokim i qartë racist”
19-vjeçari Albrim Raduni ka zbuluar një grafit me mbishkrimin "Kosova = Serbi" në Winterthur. Sipas tij, bëhet fjalë për një provokim racist dhe si i tillë duhet të fshihet menjëherë
Njerëz të panjohur kanë shkruar me spray, me shkronja të mëdha grafitin “Kosovo = Serbien” (“Kosova = Serbi”), shkruan 20minuten.ch. Bëhet fjalë për mbishkrimin që është parë në një mur ngjitur me një parking në Zürcherstrasse në Winterthurit. “Është provokim i pastër”, thotë 19-vjeçari, transmeton albinfo.ch. Ai ashku sikurse i gjithë komuniteti shqiptar i Kosovës në Zvicër, ndihet i zemëruar në lidhje me këtë. “Është një fyerje që ne nuk e tolerojmë. Prandaj kjo duhet të hiqet”.
Sipas tij, grafiti në fjalë duhet hequr po ashtu për faktin se është racist: “Mbishkrimi është kundër një kombi të tërë, i cili me këtë rast mohohet”. Problemi midis dy vendeve, Serbisë dhe Kosovës, është mjaft i madh, sepse nuk duhet derdhur naftë shtesë në zjarr me provokime të tilla, thotë Raduni.
Pak më larg, gjithashtu me spray, është shkruar në shkrimin cirilik grafiti me tekstin “E dua Partizanin” dhe “Varrtarët e rinj”. Ky emërtimi i fundit u referohet tifozëve të klubit serb të futbollit “Partizan”, shkruan albinfo.ch. Nuk është plotësisht e qartë nëse ekziston një lidhje e këtij grafiti me mbishkrimin “Kosova = Serbi”. Po ashtu mbetet mister se kush qëndron prapa gjithë kësaj.
Raduni, i cili e kishte zbuluar rastësisht të mërkurën, ndërsa ishte duke kaluar në atë zonë, ku shumë afër gjendet Qendra (shkolla) për Arsimim në Shëndetësi (ZAG), transmeton albinfo.ch. Për këtë arsye ai e ka raportuar atë menjëherë në shkollën në fjalë, thotë ai.
Në ZAG thonë se ata kanë marrë me qira disa dhoma shkollore në këtë lokacion, por nuk janë qiramarrësit e vetëm. “Unë e kam njoftuar administratën përgjegjëse, përcjell albinfo.ch. Sipas administratës, grafitet me spray do të hiqen sa më shpejt që të jetë e mundur”, ka thënë Rektorja Hanna Wipf.
E-Diaspora
-
Filmi “The Land within”, lufta në Kosovë, e vështruar nga një kënd tjetër Në "Kino Kosova" është shfaqur edhe filmi "The Land within", i regjisorit shqiptaro-zviceran Fisnik Maxville (Maxhuni),...
-
Robin Krasniqi fiton me pikë ndaj portugezit Jorge Silva
-
Sot shfaqet në Cyrih filmi “The Land within”, i regjisorit Fisnik Maxville
-
“Kino Kosova”: Një realitet filmik i shikuar nga perspektiva femërore
-
Krasniqi sonte rikthehet në ring, përballet me boksierin portugez
Jeta në Austri
-
Çfarë më lejohet të bëj në ballkonin tim në Austri? Gjatë muajve të verës, mund të duket se çdo austriak jeton ekskluzivisht në ballkonet e tij...
-
Një përmbledhje e lajmeve më të fundit në Austri
-
A mund të paguani taksat tuaja austriake duke përdorur një llogari bankare të huaj?
-
Pse Austria renditet kaq keq në indeksin për lirinë e shtypit?
-
Nomadët digjitalë: Kush mund të punojë në distancë në Austri?