Lajme
Albian Ajeti nënshkruan me klubin austriak Sturm Graz
Ai do mbajë fanellen me numrin 9
Në ditën e fundit të afatit kalimtar, klubi austriak SK Sturm Graz ka nënshkruar me futbollistin shqiptar me nënshtetësi zvicerane, Albian Ajeti.
25-vjeçari, i cili mbron ngjyrat e përfaqësueses zvicerane, vjen në formë huazimi nga Celtic Glasgow në Graz për një vit, me mundësi blerje, që sipas mediave austriake kap vlerën e 2.5 milionë euro, shkruan albinfo.at.
Lajmin e ka konfirmuar edhe faqja zyrtare e klubit Sk Sturm Graz.
Në vitin 2019, Ajeti u transferua nga Basel te West Ham në Ligën Premier angleze për 11.3 milion euro, ndërsa nga Londra rruga e tij vazhdoi te Celtic në vitin 2020.
Për ekipin skocez, në 48 ndeshje ka shënuar nëntë gola dhe pesë asistime.
“Sturm Graz është një klub i madh me një traditë të madhe dhe jam shumë i lumtur që mund të luaj në Graz në të ardhmen. Dua të kontribuoj sa më shpejt me cilësitë dhe përvojën time dhe të ndihmoj skuadrën si në kampionat ashtu edhe në fazën e ardhshme të grupeve të Ligës së Evropës”, ka thënë Ajeti.
Ndërkohë, për përfaqësuesen zvicerane Albian Ajeti ka luajtur tashmë 11 ndeshje, ndërsa karrierën e ka filluar te FC Basel ku nga 93 ndeshje ka shënuar 43 gola. Ajeti gjatë karrierës së tij ka luajtur edhe për Augsburg dhe St.Gallen.
E-Diaspora
-
Shqiptari shpallet studenti më i mirë i policisë së Nju-Jorkut për 2024-ën Laert Sallaku ishte gjimnazist kur u largua nga Tirana më 2017. Ai u vendos në Nju-Jork,...
-
Osmani u drejtohet bizneseve amerikane në Teksas: Investoni në Kosovë
-
Hapet ekspozita e piktorit shqiptar në Helsinki
-
Xhaka-Gjimshiti, dy shqiptarët në garë për trofeun e Europa League
-
Kam pak kohë që jetoj në Zvicër, si mund të aftësohem/shkollohem në Lausanne?
Jeta në Austri
-
Çfarë lejohet të bëjnë fëmijët vetëm sipas ligjit austriak? Vera po vjen, shkollat po mbyllen dhe shumë prindër do të pyesin veten se si do...
-
Si mund t’i zgjidhë Vjena “problemet e saj të imigracionit”?
-
Edhe Austria i kërkon Qeverisë së Kosovës draft-statutin në këmbim të anëtarësimit në KiE
-
Austria kualifikohet në finale të Eurovizionit
-
Ambasada e Kosovës në Austri u bën thirrje mërgimtarëve që të regjistrohen