Agjentët francezë hetojnë në Zvicër

„Spiunë“ francezë po hetojnë në Zvicër për të zbuluar shtetasit nga Franca të cilët dyshohen se i kanë bishtëruar pagesës së tatimeve shtetit të tyre. Sikundër shkruajnë gazetat “Le Matin Dimanche” dhe “Sonntagszeitung”, këtë fakt e pranojnë edhe autoritetet franceze.

Këto të fundit vërtetojnë se janë duke u bërë “udhëtime inspektuese” të agjentëve të tyre në Zvicër.

Ndërkaq, prokurori federal i Zvicrës Michael Lauber është cituar të ketë thënë se është realitet që ndjekësit francezë po kryejnë hetime në Zvicër.

Prokurorisë i është e njohur se edhe agjentë nga vende të tjera vinë në Zvicër për qëllimin e njëjtë. Por, nëse këto vizita janë ilegale ose jo, duhet të vlerësohet në secilin rast veç e veç.