Aeroplani i Lufthansa-s që udhëtonte drejt Frankfurtit goditet nga turbulencat, lëndohen 11 persona

By Kiefer. from Frankfurt, Germany

Njëmbëdhjetë persona pësuan lëndime kur një aeroplan i aviokompanisë gjermane Lufthansa që po udhëtonte nga Buenos Aires në drejtim të Frankfurtit u godit nga turbulencat mbi Atlantik.

“Për fat të keq, pesë pasagjerë dhe gjashtë anëtarë të ekuipazhit kanë pësuar lëndime të lehta”, tha për Reuters zëdhënësi i Lufthansa-s.

“Siguria e fluturimit nuk është rrezikuar për asnjë moment”, u tha ndër tjera nga kompania gjermane.

Të lënduarit kanë marrë trajtim mjekësor me të zbritur fluturakja në destinacionin e planifikuar.

Bëhet fjalë për një aeroplan Boeing 747-8 që transportonte 329 pasagjerë dhe 19 anëtarë të ekuipazhit.