Shqipëria

A po shkon Shqipëria drejt një turizmi elitar?

Rruga drejt turizmit elitar, nevojë për përmirësim të cilësisë së shërbimit dhe infrastrukturës

Teksa turizmi në Shqipëri kryesisht ai veror, po rritet ndonëse me hapa të ngadaltë, nevoja për investime në këtë sektor mbetet më e domosdoshme se kurrë.

Sipërmarrës e operatorë turistikë në vendin fqinj, Itali, u rekomandojnë bizneseve shqiptare të rrisin kapacitet për të thithur më pas pushues elitarë.

Pushues po vijnë, por a jemi gati për të rritur standardet dhe kapacitet për të shkuar drejt turizmit elitar?

Është kjo pyetja që po shoqëron përherë edhe më shumë dinamikat në sektorin e turizmit.

Emiliano Biraku, President i Konfederatës së Bizneseve në Venecia të Italisë e njëherazi drejtues për Turizmin, Inovacionin dhe Digjitalizimin në këtë rajon, teksa vlerëson rritjen e këtij sektori në Shqipëri, kërkon më shumë cilësi shërbimi dhe infrastrukturë, transmeton A2, përcjell Albinfo.ch.

Biraku këshillon edhe rrugëzgjidhje për bizneset dhe operatorët turistikë shqiptarë për të siguruar fonde me qëllim rritjen e kapaciteteve.Organizata Botërore e Turizmit vlerëson se Shqipëria përfiton më shumë se 20% të Prodhimit të Brendshëm Bruto direkt dhe indirekt nga turizmi, duke e renditur vendin ndër shtetet që ka varësinë më të lartë nga ky sektor.