A janë të dhunshëm prindërit me fëmijët e tyre në Zvicër

Me rastin ditës ndërkombëtare “No-Hitting-Day” më 30 prill, organizata zvicerane “Kinderschutz Schweiz” është e angazhuar për një edukim pa dhunë

Për shumë prindër nuk është e qartë se çfarë do të thotë dhuna gjatë edukimit të fëmijëve të tyre. Me rastin ditës ndërkombëtare “No-Hitting-Day” më 30 prill, organizata zvicerane “Kinderschutz Schweiz” është e angazhuar për një edukim pa dhunë.

Shumë prindër nuk duan ta perceptojnë dhunën fizike dhe psikologjike si të tillë. Kjo u tregua nga rezultatet e përkohshme nga një studim i kryer nga Universiteti i Freiburgut. Rreth 20 për qind e prindërve të anketuar nuk e interpretonin dhunën gjatë edukimit të tyre si dhunë.

Rreth 30 për qind një shuplakë të fortë në prapanicë dhe rreth 12 për qind madje edhe një rrahje të fuqishme nuk e konsiderojnë ushtrim dhune. Gjithashtu, “heshtja” disa-ditore si një dënim psikologjik nuk përbënte dhunë për gjysmën e të intervistuarve.

Zvicra është e angazhuar të përmbushë angazhimet e saj, me ratifikimin e Konventës së Kombeve të Bashkuara për të Drejtat e Fëmijës e cila u miratua njëzet vjet më parë. Në këtë kuadër, ajo ndërmori fushatë për të mbështetur prindërit në marrjen parasysh dhe mbrojtjen e fëmijëve gjatë edukimit të tyre.

Më 30 prill 2003, Organizata Zvicerane për Mbrojtjen e Fëmijëve (Kinderschutz Schweiz) bëri thirrje për herë të parë për “Ditën e edukimit jo të dhunshëm” që synon të bëjë publike të drejtat e fëmijëve. Aksioni është pjesë e ditës ndërkombëtare “No-Hitting-Day”.