4 zviceranë dhe 1 kosovar gjuajnë pa shkas me armë nga vetura

Ndaj të gjithë atyre do të ushtrohet kallëzim penal nga Prokuroria Shtetërore e Bischofzell-it për shjelje të ligjit mbi përdorimin e armëve

Rreth orës 21 të natës së mbrëmshme disa kalimtarë kanë alarmuar policinë se persona të panjohur nga makina në lëvizje kanë qëlluar me pushkë ajrore mbi persona të ndryshëm në rrugët e Arbonit, shkruan polizeinews.ch. Pas një kohe të shkurtë policia e Kantonit të Thurgaut e ka kapur makinën e dyshuar dhe ka ndaluar pesë personat që ndodheshin në të, transmeton albinfo.ch.

Informacionet e siguruara nga policia thonë se pesë persona, njëri pas tjetrit, kanë qëlluar në ajër me të njëjtën armë, por la lënduar askë. Policia e ka konfiskuar armën dhe municionin që ka gjetur. Pushka është blerë jashtë vendit dhe është futur në Zvicër në mënyrë ilegale.

Të dyshuar për të shtënat nga kjo pushkë janë katër shtetas zviceranë dhe një kosovar, të moshave 18, 20 dhe 22 vjeçare. Ndaj të gjithë atyre do të ushtrohet kallëzim penal nga Prokuroria Shtetërore e Bischofzell-it për shjelje të ligjit mbi përdorimin e armëve.