Rita Ora lë gojëhapur gjermanët

Në këtë mbrëmje në të cilën ishin të pranishëm edhe shumë yje të tjerë të filmit dhe muzikës, këngëtarja shqiptare është shpërblyer me çmimin “Music International Award”

Keystone

Këngëtarja shqiptare Rita Ora ka tërhequr vëmendjen e të gjithëve gjatë pjesëmarrjes së saj në spektaklin e madh televiziv të mbajtur të enjten në Berlin të Gjermanisë. E pranishme në edicionin e 67-të të “Bambi Awards”, Rita është dukur përrallore me një fustan të gjatë nga koleksioni pranverë 2016 i stilistes Marchesa, i cili ia shtonte edhe më shumë bukurinë, raporton “albinfo.ch”.

Ajo ka shkëlqyer edhe gjatë performancës së saj në këtë mbrëmje duke mahnitur të gjithë me vokalin e saj.

Rita është përshkruar si një princeshë nga mediet gjermane dhe të tjera për shkak të pamjes dhe veshjes së saj.

Në këtë mbrëmje në të cilën ishin të pranishëm edhe shumë yje të tjerë të filmit dhe muzikës, këngëtarja shqiptare është shpërblyer me çmimin “Music International Award”.

“Rita është një nga pop yjet më të talentuara dhe më karizmatike të kësaj kohe”, thotë Philip Ginthör nga “Soni Music”.  “Ne e përgëzojmë atë ngrohtësisht për çmimin në kategorinë e ‘Music International” dhe çmimin e saj të parë “Gold Award” në Gjermani”, ka thënë ai.

Me këtë rast ajo edhe ka interpretuar disa nga hitet e saj më të fundit, në një skenë me plot ndriçim.

Një ditë më parë Rita ishte mysafire speciale në koncertin e divës botërore, Madones në Berlin, ku së bashku dhuruan spektakël për publikun.