Sulm terrorist në Ankara, së paku 20 të vdekur

Dy shpërthime të fuqishme që kanë ndodhur në mëngjesin e sotëm në Ankara, në afërsi të stacionit hekurudhor, kanë lënë rreth 20 të vdekur dhe shumë të plagosur. Sipas qeverisë turke bëhet fjalë për një sulm terrorist që mund të jetë kryer nga atentatorë vetëvrasës. Por deri më tash nuk ka ndonjë dëshmi konkrete rreth kësaj.

Për sot, ditë e shtunë, aktivistë paqësorë dhe grupime të majta kishin planifikuar një marsh paqësor kundër konfliktit në mes trupave qeveritare dhe kurdëve në juglindje të vendit.

Bashkëkryetari i partisë prokurde HDP e ka dënuar atentatin duke e quajtur atë akt barbar dhe duke thënë se “ata që e duan paqen, pop vriten”.