Rekrutët e rinj të FSK-së nisin trajnimin bazë

Rekrutët e rinj të Forcës së Sigurisë së Kosovës kanë nisur sot trajnimin ushtarak bazë, duke filluar kështu rrugëtimin e tyre për t’u bërë pjesë e FSK-së.

Rekrutët janë rreshtuar në Kazermën “Skënderbeu” në Ferizaj, në kuadër të Komandës së Doktrinës dhe Stërvitjes, përkatësisht në Qendrën e Stërvitjes Bazë, përcjell albinfo.ch.

Sipas njoftimit të Forcës së Sigurisë së Kosovës, trajnimi do të zgjasë nëntë javë dhe do të përfshijë një program intensiv të përgatitjes fizike, psikologjike dhe profesionale.

Gjatë kësaj periudhe, rekrutët do të zhvillojnë aftësitë dhe njohuritë bazë ushtarake që kërkohen për ushtrimin e detyrës së ushtarit.

Pas përfundimit me sukses të trajnimit, ata pritet të jenë të gatshëm për t’u rreshtuar në formacionet ushtarake dhe për të vazhduar shërbimin e tyre në kuadër të strukturave të Forcës së Sigurisë së Kosovës.

https://www.facebook.com/share/p/1EoY4FtRnw/

 

---