Largohet flamuri i Ukrainës nga kryeqyteti, Rama: Kur Kosova nuk respektohet, Prishtina përgjigjet

Kryetari i Prishtinës, Përparim Rama ka reaguar pas largimit të mbishkrimit “Free Ukraine”, pas deklaratës së presidentit ukrainas, Volodymyr Zelensky, në Beograd.

Rama ka publikuar në Facebook momentin e largimit të banderolës, teksa  ka thënë se Kosova duhet të respektohet dhe se Prishtina përgjigjet njëjtë sa herë që shtetësia e Kosovës nuk respektohet, transmeton albinfo.ch.

“Shteti i Kosovës duhet të respektohet. Kur Kosova nuk respektohet, Kryeqyteti Prishtina përgjigjjet gjithmonë njëjtë. Empatia dhe solidariteti ynë do të jenë gjithmonë me popujt që përballen me luftë, dhunë e persekutim. Sepse ne, më mirë se shumë të tjerë, e dimë çfarë do të thotë të luftosh për liri, dinjitet dhe të drejtën për të ekzistuar si shtet.Por asnjë kauzë dhe asnjë politikë nuk mund të ndërtohet duke nënçmuar shtetësinë e Kosovës dhe sakrificën e popullit të saj”, ka shkruar Rama.