Spanja “i kundërpërgjigjet” Italisë, vendos kontrolle kufitare

(KEYSTONE/Ti-Presss/Alessandro Crinari)

Spanja ka vendosur kontrolle kufitare për të gjitha udhëtimet si ajrore dhe detare që vijnë nga Italia, duke përshkallëzuar përplasjen mes dy vendeve anëtare të Bashkimit Evropian.

Bëhet e ditur se masat kanë hyrë në fuqi në mesnatë dhe do të jenë në fuqi për një muaj teksa vendimi vjen një javë pasi Italia vendosi masa të ngjashme, pas fluksit të rreth 78 mijë migrantëve nga Maroku drejt enklavës spanjolle të Ceutas, transmeton albinfo.ch.

Kriza ka vënë përballë kryeministrin socialist të Spanjës, Pedro Sanchez, dhe kryeministren konservatore të Italisë, Giorgia Meloni, e cila prej kohësh kërkon rregulla më të ashpra të BE-së për migracionin.

Ndryshe, të premten, Spanja i pati kërkuar Italisë që t’i hiqte kontrollet deri të dielën, teksa kjo e fundit deklaroi se masat do të vazhdojnë të paktën deri më 15 gusht, duke argumentuar se Spanja pret një “valë të re migracioni” në Ceuta.