Kurti fton partitë politike në takim, refuzohet nga PDK-ja dhe AAK-ja, përgjigjet pozitivisht LDK-ja

Kryeministri në detyrë i Kosovës, njëherit kryetar i Lëvizjes Vetëvendosje i ka ftuar sot në takime të ndara krerët e subjekteve politike në Kosovë.

I pari që e ka refuzuar këtë ftesë ka qenë kryetari i Aleancës, Ardian Gjini, i cili ka theksuar se nuk kanë kurrfarë interesi që të bëhen pjesë e Qeverisë së Kosovës, në asnjë format.

“Po ashtu, e kemi ofruar mundësinë e ndihmës për themelimin e institucioneve dhe evitimin e zgjedhjeve të reja, duke pasur parasysh pikërisht zgjedhjen e Presidentit të Kosovës”, ka shkruar ai.

Kryetari i Partisë Demokratike të Kosovës, Bedri Hamza, gjithashtu e ka refuzuar ftesën për takim, duke thënë se qëndrimi i PDK-së është që të vazhdojë të qëndrojë në opozitë.

“Duke iu referuar takimit tonë të datës 10 korrik 2026 dhe qëndrimit publik të PDK-së, ju rikonfirmoj se, në rrethanat aktuale, qëndrimi ynë është që të vazhdojmë të qëndrojmë në opozitë”, thuhet në përgjigjen e tij, transmeton albinfo.ch.

Ndërkaq, kryetari i Lidhjes Demokratike të Kosovës, Lumir Abdixhiku, dhe kryeministri në detyrë, Albin Kurti, do të zhvillojnë nesër një takim në Kuvendin e Kosovës.

Takimi pritet të mbahet në orën 18:00 në Kuvendin e Kosovës.