Shtetasi spanjoll lëndon një polic dhe një police në St. Gallen

Policja dhe polici po kontrollonin identitetin e një burri që po sillej në mënyrë agresive ndaj një personi tjetër

Gjatë një ndjekjeje në këmbë në qytetin e St. Gallen të hënën, një burrë 42-vjeçar plagosi një oficer policie dhe një police dhe më pas u arrestua. Sipas policisë, personi në fjalë më parë ishte sjellë në mënyrë agresive ndaj një personi tjetër.

Policja dhe polici po kontrollonin identitetin e një burri që po sillej në mënyrë agresive ndaj një personi tjetër pranë parkut të shkollës kantonale në qytetin e St. Gallen, transmeton albinfo.ch. Kjo u raportua nga policia kantonale e St. Gallen në një deklaratë të martën.

Spanjolli 42-vjeçar gjithashtu u soll në mënyrë kërcënuese dhe jo bashkëpunuese ndaj policisë, shkruan SDA.

“Ai iku papritmas, me ç’rast policët e ndoqën në këmbë”, vazhdon deklarata. Ata arritën ta ndalonin të përmendurin  në Linsenbühlstrasse me ç`rast i u rezistoi atyre. Gjatë ndjekjes, polici pësoi një dëmtim të paspecifikuar në gju, dhe policja pësoi lëndime të lehta në fytyrë.

42-vjeçari më pas iku përsëri. Ai u ndalua dhe u arrestua përfundimisht me ndihmën e policisë së qytetit në një autobus publik në Bohl. Ai akuzohet për dhunë dhe kërcënime ndaj autoriteteve dhe zyrtarëve.

---