Zviceranët do të votojnë për pagat minimale kantonale

(KEYSTONE/Christian Beutler)

Fati i pagave minimale kantonale në Zvicër do të vendoset përmes votimit popullor.

Federata Zvicerane e Sindikatave ka njoftuar nisjen e një referendumi kundër nismës në Parlament, e cila synon t’u japë përparësi marrëveshjeve kolektive të punës ndaj pagave minimale të përcaktuara me ligj, transmeton albinfo.ch.

Sipas sindikatave, kjo përbën “sulm ndaj vendimeve demokratike” të marra në kantone dhe komuna ku paga minimale tashmë është në fuqi ose pritet të zbatohet së shpejti, si në Gjenevë, Neuchâtel, Ticino, Jura, Cyrih dhe Winterthur.

Çështja pritet të shkaktojë debat të gjerë politik dhe social në Zvicër, pasi lidhet drejtpërdrejt me mbrojtjen e punëtorëve dhe autonominë e kantoneve.