Kantoni zviceran ndan 1.25 milionë CHF për hetimin e rastit në Crans-Montana

(KEYSTONE/Jean-Christophe Bott)

Këshilli i Madh në kantonin zviceran të Valais do të ndajë 1.255 milionë CHF për Zyrën e Prokurorit Publik dhe policinë kantonale në lidhje me tragjedinë e zjarrit në Crans-Montana.

Zyrës së prokurorit i janë ndarë 2.5 regjistrues me kohë të plotë, 1.3 sekretarë ekzekutivë dhe 0.5 staf tjetër për një total prej 670,000 CHF.

Janë ndarë edhe 150,000 CHF shtesë për menaxhimin e këtij projekti, raporton swissinfo. Kjo përfshin 20,000 CHF për vlerësimet e ekspertëve dhe koston e qirasë dhe pajisjes së ambienteve për seancat dëgjimore, transmeton albinfo.ch.

Rreth 10,000 CHF për pagesa dhe shpenzime të ndryshme të bëra nga autoritetet, 20,000 CHF për mobilje dhe pajisje dhe 100,000 CHF për mandate, përkthime dhe punësimin e ekspertëve.

Policia kantonale do të marrë 585,000 CHF. Kjo shumë do të mbulojë kostot e sigurisë (500,000 CHF), shpenzimet e jetesës, akomodimit dhe udhëtimit (40,000 CHF) dhe pajisjet (45,000 CHF).

Zjarri i natës së Vitit të Ri në një bar mori 41 jetë njerëzish dhe plagosi 115 persona të tjerë.