Shqipëria ratifikon marrëveshjen me Poloninë për sigurimet shoqërore

Marrëveshja mundëson njohjen e ndërsjellë të viteve të kontributeve për qytetarët që jetojnë dhe punojnë në të dy shtetet.

Shqipëria ka ratifikuar marrëveshjen me Poloninë për sigurimet shoqërore, duke hapur rrugën për njohjen e viteve të punës dhe kontributeve të qytetarëve shqiptarë dhe polakë në të dy vendet, përcjell albinfo.ch.

Kjo marrëveshje pritet të sjellë më shumë siguri dhe të drejta të garantuara për qytetarët që jetojnë dhe punojnë mes Shqipërisë dhe Polonisë, duke lehtësuar proceset e pensioneve dhe përfitimeve sociale.

Sipas njoftimit, kjo është marrëveshja e 21-të e Shqipërisë me vendet ku ka diasporë shqiptare dhe e 10-ta me shtetet e Bashkimit Evropian.

Ky hap vlerësohet si një avancim i rëndësishëm në mbështetjen e diasporës shqiptare dhe në procesin e integrimit evropian të Shqipërisë./Albinfo.ch

---