Zvicra shtohet me 100 mijë banorë: 24.3% të huaj

Sot, Zyra Federale për Statistika (BFS) ka publikuar shifrat definitive mbi numrin e banorëve të Zvicrës, sipas gjendjes së fundit të vitit 2014.

Gjatë një viti, gjegjësisht nga fundi i vitit 2013 deri në fundin e vitit 2014 Zvicrës i janë shtuar 98.053 banorësh të rinj. Kështu, në fund të vitit 2014 vendi kishte 8.237666 banorë të përhershëm. Me një rritje prej 1.2% brenda një viti, zviceranët hyjnë në mesin e popujve evropianë me rritjen më të shpejtë.

Gjatë periudhës së përmendur, përqindja e të huajve në popullatën e gjithëmbarshme ka shënuar një rritje të lehtë dhe ajo tash është 24.3 për qind.

Sikurse edhe më parë, përqindjen më të madhe të të huajve e përbëjnë italianët (15.3%), gjermanët (14.9), portugezët (13.1%) dhe francezët (5.8).

Përqindja e shqiptarëve si zakonisht nuk figuron në këtë statistikë si e tërë dhe për këtë arsye ata nuk bëjnë pjesë në mesin e katër komuniteteve më të mëdha të Zvicrës.