Dardanët përgatiten për duelin ndaj Turqisë

I gjithë grupi ka stërvitur të shtunën, ka njoftuar Federata e Futbollit e Kosovës

Kosova ka vazhduar përgatitjet të shtunën për duelin ndaj Turqisë, që është sfida më e rëndësishme e futbollit kosovar.

Kosova të martën mbrëma luan në “Fadil Vokrri” në Prishtinë, ndërsa nuk pritet të ketë mungesa, transmeton albinfo.ch.

I gjithë grupi ka stërvitur të shtunën, ka njoftuar Federata e Futbollit e Kosovës.

“Pavarësisht temperaturave të ulëta, reshjeve të shiut dhe fjollave të borës, Dardanët kanë treguar përkushtim maksimal dhe vullnet të lartë në stërvitjen e radhës. Atmosfera në ekipin kombëtar është shumë pozitive, teksa gëzon fakti se të gjithë futbollistët janë në gjendje të mirë fizike dhe plotësisht të gatshëm për sfidën më të rëndësishme në historinë e futbollit tonë”, ka shkruar FFK-ja.

---