Bern: Event mbi integrimin përmes punës dhe ndërmarrësisë

Më 28 mars 2026, në ambientet e Ambasadës së Republikës së Kosovës në Bern, mbahet një event i organizuar nga ODGSH me temën “Integrimi përmes punës & ndërmarrësisë”, përcjell albinfo.ch.

Aktiviteti synon të trajtojë rolin e pjesëmarrjes ekonomike si çelës i integrimit dhe përfshirjes aktive, me fokus te mundësitë, sfidat dhe rrugët e suksesit për gratë me sfond migrimi.

Arritja e pjesëmarrësve është paraparë nga ora 13:00, ndërsa programi zhvillohet nga ora 13:30 deri në 16:00, për t’u përmbyllur me aperitiv dhe networking. Pjesëmarrja është falas, por regjistrimi është i detyrueshëm deri më 23 mars 2026./Albinfo.ch