Fisnik Asllani: Me gjithë zemër zgjodha Kosovën para Gjermanisë

Sulmuesi i Hoffenheimit tregon arsyet e vendimit dhe sakrificat e familjes në rrugëtimin e tij

Sulmuesi i TSG Hoffenheim, Fisnik Asllani, ka shpjeguar vendimin e tij për ta përfaqësuar Kosova në arenën ndërkombëtare, duke theksuar se ishte një zgjedhje që erdhi “me gjithë zemër”, përcjell albinfo.ch.

Në një intervistë për BILD, ai tha se ndonëse është mirënjohës ndaj Gjermania dhe federatës së saj, ndjenja e tij e ka udhëhequr drejt Kosovës.

“Pak pasi iu bashkova ekipit U21 të Gjermanisë, vendosa me gjithë zemër. Ndjenja më thoshte se të luaj për Kosovën ishte vendimi i duhur”, u shpreh Asllani.

Ai theksoi lidhjen e fortë me vendlindjen, duke treguar se pushimet i kalonte gjithmonë në Kosovë dhe se ka familje të shumtë atje.

Asllani foli edhe për sakrificat e babait të tij, i cili, sipas tij, ka qenë mbështetësi më i madh në karrierë. “Zgjohej shumë herët, punonte gjithë ditën dhe vinte direkt në stërvitje për të më ndjekur”, tregoi ai.

Në fund, sulmuesi theksoi se mbështetja e familjes ka qenë kyçe në rrugëtimin e tij, ndërsa tani synon që së bashku me përfaqësuesen e Kosovës të arrijë kualifikimin në garat e mëdha ndërkombëtare./Albinfo.ch 

---