Vjollca Hoti nderohet nga Akademia Kombëtare e FBI-së

Shoqata Amerikano-Shqiptare e Zbatimit të Ligjit vlerëson rolin e saj si simbol i lidershipit dhe frymëzimit për gratë shqiptare

Shoqata Amerikano-Shqiptare e Zbatimit të Ligjit ka njoftuar se majorja kosovare, Vjollca Hoti, është nderuar nga Akademia Kombëtare e FBI-së, një nga institucionet më prestigjioze në fushën e sigurisë dhe zbatimit të ligjit në botë, transmeton albinfo.ch. 

Në njoftimin e publikuar, theksohet se Kosova konsiderohet ndër vendet me fat që ka gra kaq të fuqishme dhe frymëzuese që e përfaqësojnë atë në arenën ndërkombëtare.

“Kosova është një nga vendet më me fat në botë që ka gra kaq të patrembura dhe frymëzuese që e përfaqësojnë atë në nivel global. Major Hoti është simbol i forcës, guximit dhe krenarisë, duke hapur rrugën për udhëheqëset e ardhshme”, thuhet në deklaratë.

Më tej, vlerësohet se arritja e saj pasqyron traditën e Policia e Kosovës në përgatitjen dhe dërgimin e kuadrove të saj në akademitë më elitare ndërkombëtare të zbatimit të ligjit.

Sipas njoftimit, suksesi i majorës Hoti është dëshmi se gratë nga Kosova jo vetëm që udhëheqin, por edhe sjellin inovacion dhe shkëlqejnë në skenën globale të sigurisë dhe lidershipit institucional. /Albinfo.ch 

---