Ndërtohen komplekse të reja të banimit: 200 veta duhet të largohen nga banesat e tyre

Dy komplekse banimi me gati 100 apartamente, një biznes ngjyrosjeje dhe një qendër kujdesi ditor janë planifikuar për prishje

Të paktën 200 persona në Cyrih-Witikon janë prekur nga vendimi për të liruar banest e tyre . Dy komplekse banimi me gati 100 apartamente, një biznes ngjyrosjeje dhe një qendër kujdesi ditor janë planifikuar për prishje, transmeton albinfo.ch.

“Ndërtesat kanë arritur në fund të ciklit të tyre jetësor”, ka informuar banorët menaxhmenti i një kompleksi në Cyrih. Ky kompleks është në pronësi të një fondi të pasurive të paluajtshme UBS. Ka plane për të zgjeruar numrin e apartamenteve nga 59 në 130 me një ndërtesë të re, tha një zëdhënës i UBS për gazetën “SonntgsBlick”.

Fondacioni i Investimeve të Grupit Fundamenta është pas rinovimit të plotë të kompleksit të dytë. Të prekurit do të marrin mbështetje në kërkimin e tyre për strehim të ri, tha një zëdhënës për “SonntagsBlick”.

Sipas gazetës, mbi 8,600 qiramarrës afatgjatë janë dëbuan vetëm në qytetin e Cyrihut midis viteve 2015 dhe 2020.

---