Ambasada e Kosovës në Vjenë organizon takim me mësuesit shqiptarë

Me rastin e 7 Marsit, Ditës së Mësuesit, Ambasada e Republikës së Kosovës në Vjenë organizoi një takim me mësues dhe mësuese të arsimit plotësues në gjuhën shqipe në Austri, në shenjë mirënjohjeje për kontributin e tyre të çmuar në ruajtjen dhe kultivimin e gjuhës dhe identitetit kombëtar tek brezat e rinj.

Të pranishmit u mirëpritën nga i Ngarkuari me Punë në Ambasadën e Republikës së Kosovës në Vjenë, z. Albinot Bimbashi, si dhe Sekretarja e Dytë, znj. Marigonë Vrajolli.

Në takim morën pjesë: z. Osman Ademi, Kryetar i SHMSH “Naim Frashëri”, MSc. Miradije Berishaj, z. Ibrahim Hasanaj, znj. Merita Ismaili, znj. Anjeza Abazi, znj. Antigone Elshani dhe Dr. Ina Arapi, transmeton albinfo.at.

Gjatë takimit, z Bimbashi, vlerësoi lart përkushtimi dhe puna e palodhur e mësuesve, të cilët përmes angazhimit të tyre të vazhdueshëm kontribuojnë në ruajtjen, zhvillimin dhe përcjelljen e gjuhës shqipe në Austri.

Ambasada e Republikës së Kosovës në Vjenë shpreh mirënjohje të thellë për të gjithë mësuesit dhe u uron Gëzuar 7 Marsin, Ditën e Mësuesit!